Արևմուտքը Երևանին փորձում էր ներքաշել նոր ավանտյուրայի մեջ
Հայաստանի արևմտյան հովանավորները Երևանին ներքաշում են վտանգավոր մի «ավանտյուրայի» մեջ, որն այս անգամ կանխվել է ԱԳՆ ջանքերով։ Մասնավորապես, նախօրեին ԵՄ արտաքին քաղաքական ծառայության ղեկավար Ժոզեպ Բորելը հայտարարություն էր տարածել, նշելով, թե Եվրամիության կազմի մեջ չմտնող 11 երկրները, այդ թվում Հայաստանը և Ադրբեջանը, միացել են ԵՄ խորհրդի ընդհանուր արտաքին և անվտանգության քաղաքականության որոշմանը, որով պատժամիջոցներ են սահմանվում մարդու իրավունքների զանգվածային ոտնահարման համար պատասխանատու պաշտոնյաների, անձանց ու կազմակերպությունների դեմ։ Ցանկը հայտնի է որպես «Մագնիտսկու ակտ» և առավելապես ուղղված է հենց Ռուսաստանի դեմ։
Տեղեկությունը հայտնվելուց կարճ ժամանակ անց Բորելի էջից անհետացավ, իսկ Հայաստանի ԱԳՆ մամուլի խոսնակը պարզաբանել է, որ՝ ելնելով արտաքին քաղաքական առաջնահերթություններից և ԵՄ գործընկերության շրջանակներում, Հայաստանը դիտարկում ու հաճախ միանում է ԵՄ հայտարարություններին՝ ցուցաբերելով իր աջակցությունն ու համերաշխությունը, դրանցում արծածվող հարցերի վերաբերյալ։ Կոնկրետ ԵՄ խորհրդի՝ դեկտեմբերի 4-ի սահմանափակող միջոցների վերաբերյալ որոշմանը, Հայաստանի Հանրապետությունը չի միացել։
Փաստացի, Արևմուտքը հերթական անգամ փորձել է Հայաստանին ներքաշել հակառուսական ինչ-որ քայլի մեջ, որը կարող է որոշակի քաղաքական հետևանքներ ունենալ։ ԱԳն-ն, սակայն, թերևս առաջին անգամ, հստակ արձագանքել և կարողացել է շուտափույթ հեռացնել, իսկ պարզաբանմամբ էլ նշել, որ որևէ առնչություն չունեն «Մագնիտսկու ակտին»։
Դրականը ևս պետք է արձանագրել, փոխարենը երեկ Հայաստանը հերթական հակառուսական մեկ այլ քայլ է արել, Ազգային ժողովի պատվիրակությունը և ղեկավարությունը չեն մասնակցել ՀԱՊԿ խորհրդարանական վեհաժողովի նիստի աշխատանքներին։
Աննա Սարգսյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Երբ ջնջվում է... ոգին. «Փաստ»
Michelin-ի գաղտնի տեսուչները Հայաստանում. ո՞վ կարող է արժանանալ առաջին աստղին. «Փաստ»
Բիզնեսի և հանքարդյունաբերության առաջնորդներից Մարկ Կուտիֆանին երրորդ Mining Armenia Forum-ի գլխավոր ...
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...