Ֆրանսիայի երկու մեսիջները
Ֆրանսիայից վերջին օրերին ստացվող երկու մեսիջները վկայում են մեր տարածաշրջանում Փարիզի ակտիվացման հետ։ Նախ Ֆրանսիայի նախագահ Մակրոնը զինված ուժերին արված ամենամյա ուղերձում անդրադարձել է Հայաստանին՝ հայտարարելով պատմական ընտրության մասին։ «Բալկանները Հայաստանը գրավել են մեր ուշադրությունը և հանգեցրել են մեր դիրքորոշման ամրապնդմանն ու պատմական ընտրություններ կատարելուն, հատկապես, ինչ վերաբերում է Հայաստանին»,- ասել է Մակրոնը։
Արտաքին գործերի նորանշանակ նախարար Ստեֆան Սեժուրնեն էլ, դիվանագիտական կորպուսի առջև ելույթ ունենալով, ընդգծել է Ֆրանսիայի շարունակական աջակցությունը Հայաստանին, կարևորել արդար և տևական խաղաղության ձգտումը։
Ֆրանսիայի Սենատում հակաադրբեջանական բանաձևից հետո Ադրբեջանի խորհրդարանից կարծիքներ են հնչում, որ անհրաժեշտ է Ֆրանսիայի դեմ պատժամիջոցներ ձեռնարկել, նաև երկրից հեռացնել ֆրանսիական բիզնեսը՝ այդ թվում խոշոր Total էներգետիկ կազմակերպությունը։ Մինչդեռ, նույնիսկ 44-օրյա պատերազմից հետո, երբ Ֆրանսիան հասցրել էր բարեհաջող կերպով փչացնել հարաբերություններն Ադրբեջանի հետ, տոտալի ներկայացուցիչները հանդիպում էին Ադրբեջանի բարձրագույն ղեկավարության հետ, բիզնեսի հարցեր քննարկում։
Ֆրանս-ադրբեջանական հերթական սրումը կարող է լուրջ հետևանքներ ունենալ, միևնույն ժամանակ Ֆրանսիան փորձելու է նաև ամբողջությամբ չխզել կապերն Ադրբեջանի հետ, բանն այն է, որ Ադրբեջանի էներգետիկ ոլորտը, նավթի և գազի արտահանումն անհրաժեշտ է նաև Ֆրանսիային, և վերջինս փորձում է մրցակցության մեջ մտնել Մեծ Բրիտանիայի հետ՝ իր սեփական շահերն առաջ մղելու։ Փոխարենն Ադրբեջանն ամբողջությամբ տրվել է Բրիտանիային, նախօրեին էլ Ադրբեջանի վարչապետ Ասադովը հանդիպել է «Բրիթիշ փետրոլիում» ընկերության ներկայացուցիչների հետ, ընդհուպ քննարկել օկուպացված Արցախի տարածքում արևային նախաձեռնություններ իրականացնելու հարցը։
Ըստ էության, եվրոպական երկրների մեջ Ադրբեջանը նախապատվությունը տվել է Բրիտանիային, որը, ի դեպ, նաև սկսել է ակտիվանալ Հայաստանում, փորձում են Հայաստանն էլ իրենցով անել։
Թե եվրոպական երկրներից այստեղ ով ինչ շահեր է հետապնդում հայտնի է բոլորին, միևնույն ժամանակ թե՛ Ֆրանսիայի, թե՛ մեծ Բրիտանիայի շահերն ամենևին էլ Հայաստանին ուղղված չեն և վերջնարդյունքում նոր աղետի կարող են հանգեցնել։
Հրաչյա Մանուկյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Երբ ջնջվում է... ոգին. «Փաստ»
Michelin-ի գաղտնի տեսուչները Հայաստանում. ո՞վ կարող է արժանանալ առաջին աստղին. «Փաստ»
Մենք վերջ կդնենք Փաշինյանի զիջողական քաղաքականությանը. տեսանյութ
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...