Այս աճպարարությունը կատարվում է մի վարչախմբի կողմից, ով իր համար տարիների քարոզչական դրոշակ էր սարքել «ինչքան ուզենք, կխփենք» արտահայտությունը. Մենուա Սողոմոնյան

Մենուա Սողոմոնյանը ֆեյսբուքյան իր էջում գրում է. 

Հանրակրթության չափորոշչի մեջ ժողովրդավարական կոմպետենցիաներ սահմանած Ժաննա Անդրեասյանի ներկայացրած նախագծի օգտին (որը վերաբերում է «Հայոց պատմություն» առարկան «Հայաստանի պատմություն» վերանվանելուն) միայն այսօր մոտ 600 կողմ քվեարկություն է գնացել e-draft համակարգում։ «Ժողովրդավարության» փայլուն դրսևորում է, ինչ խոսք, խիստ ուսանելի դպրոցական երեխաների համար՝ ժողովրդավարական կոմպետենցիան ձեռք բերելու գործում։

Այս անհավանական աճպարարությունը կատարվում է մի վարչախմբի կողմից, ով իր համար տարիների քարոզչական դրոշակ էր սարքել «ինչքան ուզենք, կխփենք» արտահայտությունը։ Հիմա լավ ստացվում է իրենց մոտ։

Ինչևէ, հարգելի ընկերներ, նրանք թող աշխատեն ֆեյքերով, մենք մեր պայքարը, թեկուզ այս դաշտում, տանելու ենք մեր դեմքերով։ Շնորհակալություն բոլոր նրանց, ովքեր մտնում են e-draft , գրանցվում ու դեմ քվեարկում, հանդես գալիս հիմնավոր փաստարկներով ու առաջարկություններով։ Խնդրում եմ շարունակել:

Ահա և հղումը https://www.e-draft.am/projects/6771/about...