Հանրային հակազդեցությունն ահաբեկեց վարչախմբին
Բուռն քննադատություններից հետո քաղաքային իշխանությունը ժամանակավորապես քվեարկությունից հանել է տրանսպորտի թանկացման հարցը, որը մեկ շաբաթ առաջ էր ներկայացրել։ Իշխանությունը համաձայնվել է ներկայացնել նոր առաջարկ, որտեղ փաթեթները չեն սահմանափակի ուղևորությունների թիվը, իսկ որոշ խոցելի խմբերի համար կլինեն արտոնություններ։
Տրանսպորտի թանկացման առաջարկը ներկայացնելուց հետո բոլոր մասնագետներն ու ԶԼՄ-ները հրապարակեցին համեմատականներ տարածաշրջանի և աշխարհի այլ երկրների հետ՝ ցույց տալով, որ գործող իշխանությունները տրանսպորտի գինը թանկացնելու հարցում գերազանցում են անգամ եվրոպական առաջատար երկրներին, ու թեև գործող իշխանությունը տրանսպորտային բարեփոխում խոստացել էր չնչին բարձրացնել տրանսպորտի սակագիինը, ակնհայտ է, որ մտադիր են այնպիսի գներ սահմանել, որ հերթական անգամ կթեն հանրությանը։ Ի վերջո բոլոր համեմատականներով փաշինյանական իշխանությունը պարտվում է։
Երևանում 2018 թվականի իշխանափոխությունից հետո մինչ օրս իրական տրանսպորտային բարեփոխում չի իրականացվել, ընդամենը մի քանի հարյուր ավտոբուսներ են բերել, որոնք չեն կարողանում ապահովել ամբողջ մայրաքաղաքի բոլոր կարիքները, իսկ սոցիալական ցանցերում դժգոհություններ են, որ մարդիկ ժամերով կանգնած են մնում կանգառներում և չեն կարողանում նստել ավտոբուս, փոխարենն այնպիսի գներ էին ներկայացրել, որոնք առնվազն կրկնակի կամ եռակի գերազանցում են Վրաստանին, Չեխիային, եվրոպական այլ երկրների։
Այս անգամ հանրային բուռն դժգոհության հետևանքով հաջողվեց հետաձգել հարցի քննարկումը, սակայն չի բացառվում, որ իշխանությունը նոր չնչին փոփոխություններով առաջարկ ներկայացնի, դա էլ հանրությանը համոզելով, թե իբր մեծ լավություն է անում։
Անահիտ Մանուկյան
Վեհափառ Հայրապետի աջը համբուրելու համար Զավենիչի արդարացումները չեն ընդունվել. «Իրավունք»
Ալաշկերտի դպրոցի պահակը դպրոցից կատարել է եվրոպական արտադրության դռների գողություն
Արագածոտնի մարզում փրկարարները մորն ու նրա 3 անչափահաս երեխաներին տեղափոխել են հիվանդանոց
Արամ Զավենիչի քայլն ընդունել են որպես քաղաքական թարս չափալախ ու թաղմանը չեն գնացել․ «Հրապարակ»
Փաշինյանի պլանները կաթողիկոսի մասով չեն հաջողվում. 57-ից 10-ը անբավարար են. «Ժողովուրդ»
Դոլարն էժանացել է, ռուբլին՝ թանկացել․ փոխարժեքն՝ այսօր
Ինչին չդիմացավ ԱԱԾ նախկին տնօրեն Գեորգի Կուտոյանը․ ինքնասպանությունից 6 տարի անց․ «Ժողովուրդ»
Պետության հաշվին հարստացողներն այլոց «նախաճաշն» են հաշվում. «Փաստ»
Թունավորվել են ոչ թե սննդից, այլ... շմոլ գազից. «Փաստ»
Էլեկտրաէներգիայի անջատումներ են սպասվում