ՌԴ անխոհեմ քայլը կարող է կրկին սրել հայ-ռուսական հարաբերությունները
Մոսկվայում ձերբակալվել, ապա մի քանի ժամ անց ազատ է արձակվել ադրբեջանցի ֆիտնես մարզիչ և հայտնի բլոգեր Քամիլ Զեյնալին, որը մեղադրվում է 44-օրյա պատերազմի ժամանակ Հադրութում տարեց ու անզեն բնակչին գլխատելու մեջ։ Գիշերը Զեյնալիին ոստիկանները ձերբակալել են և հայտնել, որ նա մեղադրվում է մի քանի հոդվածներով։
Ռուսական լրատվամիջոցները հայտնում են, որ այսօր պետք է կայանար դատական նիստը, որտեղ քննելու են Զեյնալիի հարցը։ Ադրբեջանական իշխանությունները, սակայն, կարողացել են բավական արդյունավետ աշխատել ռուսական կողմի հետ և ազատ արձակել տալ Քամիլ Զեյնալիին, որը հենց երեկ էլ վերադարձել է Բաքու մեկ այլ ինքնաթիռով։
Ըստ էության, այս քայլով Ռուսաստանի իշխանությունները հերթական ապտակն են հասցնում Հայաստանի գործող վարչախմբին, նախ հրապարակավ ձերբակալելով, շոու սարքելով, ապա և ազատ արձակելով, այս կերպով ցույց տալով, որ չեն հարգում Հայաստանի Հանրապետությանը։
Մի կողմից սա կարելի է համարել Ռուսաստանի դեմ Հայաստանի իշխանությունների հակառուսական քայլերի պատասխանը, մյուս կողմից, սակայն Մոսկվան ինքն էլ պետք է հասկանա, որ նման քայլերը լրջորեն սրում են հակառուսական տրամադրությունները Հայաստանում։ Այսուհետ յուրաքանչյուրը ով փորձի հանդես գալ Ռուսաստանի հետ հարաբերությունները բարելավելու պահանջով, իշխանական քարոզչամեքենան անպայման հիշեցնելու է Զեյնալիի հետ կապված դեպքը, երբ Ռուսաստանի ոստիկանությունը պարզապես ազատ արձակեց ռազմական հանցագործությունների մեջ մեղադրվող անձին։ Ի վերջո, այս դեպքը ևս մեկ նստվածք է թողնելու հայ-ռուսական հարաբերությունների վրա։ Թե ովքե՞ր են աշխատում հայ-ռուսական հարաբերությունները հիմնովին փչացնելու ուղղությամբ, դեռևս լուրջ պարզելու հարց է։
Աննա Սարգսյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Երբ ջնջվում է... ոգին. «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...
Քաղաքական «մարտեր առանց կանոնների». «Փաստ»