Զրոյական համարների աճուրդը փաշինյանական Հայաստանի բարոյական անկման ցուցիչներից մեկն է

Պարզվում է, ՆԳՆ-ն էլեկտրոնային աճուրդ է անցկացնում մեքենայի 00 օօ 000 համարանիշի համար, որին մասնակցում են 98 սուբյեկտ: Եվ պարզվում է, որ այդ համարի համար, սկզբնական աճուրդի գինն սկսվում է 20 մլն դրամից:

Թվում է, թե այս տեղեկատվության մեջ, ոչ մի առտառոց բան չկա:

Մինդեռ իրականում, հենց այս տեղեկատվության մեջ է թաղված Հայաստանի այսօրվա ողբերգական իրավիճակը:

Այն, որ Փաշինյանի կառավարման ընթացքում ոչնչացվել են բարոյական բոլոր նորմերը, ակներև է: Իհարկե, այնպես չէ, որ մինչև 2018 թվականը Հայաստանում ամեն ինչ լավ վիճակում էր: Բնավ էլ՝ ոչ, բայց 2018-ից հետո, շատերը կարծում էին, որ վերջապես Հայաստանում նոր էջ կբացվի զարգացման համար: Պարզվեց, որ այդ նոր էջը դեպի դժոխք Հայաստանի «զարգացման»էջն էր, որից այն կողմ մեկ քայլ անելով, մենք ազգովի կարող ենք հայտնվել համազգային անդունդում:

Իսկ հիմա ուշադրությո՛ւն. երկրում այսպիսի ճգնաժամային պայմաններում, 98 հոգուն հետաքրքրում է իրենց մեքենայի համարանիշի թիվը:

Ավելին, այդ 98 սուբյեկտները, շարքային քաղաքացիներ չեն: Նրանք երկրի ամենահարուստ շերտի ներկայացուցիչներն են, և երևում է, թե ինչ արժեքներով են ապրում այդ 98 սուբյեկտները:

Փետրվարի 28-ին պարզ կդառնա, թե այդ 98 սուբյեկտներից ով «կհաղթի»: Պարզ է արդեն, որ այս գործնթացում պարտվել է Հայաստանը:

Անգլո-սաքսոնական բողոքական էթիկայի համաձայն, մարդիկ, ժողովուրդներն իրականում բաժանվում են երկու մասի,- «մարդկանց»և մարդկային տեսք ունեցող «անասունների»:

Ըստ անգլոսաքսերի, մարդը ծվելուց դեռ չգիտի, թե ինչ է ծնվել. «մա՞րդ», թե՞ մարդկային դեմքով «անասուն»: Ըստ անգլոսաքսերի՝ մարդն իր կյանքի գործնեությամբ է հասկանում, թե ինքը իրականում «մարդ է», թե «անասուն»:

Ըստ անգլոսաքսերի, «մարդ», կամ «անասուն»լինելը, նախապես, ծվելու հետ արդեն գրված է մարդկանց ճակատին: Հենց դրա համար էլ, այն կոչվում է «ճակատագիր»:

Ըստ անգլոսաքսերի, մարդը «մարդ է», թե «անասուն», որոշում են տվյալ ժամանակի պատմությունն ու հանրությունը: Այն մարդը, որ «մարդ է», միայն նա կարող է դառնալ իսկական քրիստոնյա և, ուրեմն, իր մահից հետո հայտնվել «դրախտում»: Իսկ մարդկային դեմք ունեցող «անասունները», հայտնվելու են բացառապես «դժոխքում»: Ընդ որում, անպայման չէ, որ դժոխքում հայտնվեն միայն իրենց մահից հետո:

Անգլոսաքսերի այդ բարոյական նորմերը, այս կամ այն կերպ գործում են ամենուրեք, և Հայաստանն այդ առումով բացառություն չէ:

Այնպես, որ այդ համարանիշի աճուրդի մասնակիցները պիտի հասկանան, որ իրենց մասնակցությամբ, արդեն կարմիր գիծ են քաշել իրենց և հանրության միջև: Եվ այդ իմաստով հարցը, թե ո՛վ կհաղթի այդ աճուրդում, արդեն կարևոր չէ:

Իսկ իշխանափոխությունը միայն կարձանագրի այդ դառը իրողությունը՝ բացելով Հայաստանի համար, այդ թվում՝ նաև բարոյական զարգացման նոր էջ:

Սա է իրականությունը:

Դավիթ Մկրտչյան

Աղբյուրը՝ Zham.am