Փաշինյանի «բարի կամքն» ու անողնաշար քաղաքականությունը
Ազգային անվտանգության ծառայությունը որոշում է կայացրել փետրվարի 28-ին Սյունիքի մարզի Տեղ գյուղի հատվածում հայտնաբերված ադրբեջանցի դիվերսանտին Ադրբեջանին վերադարձնելու վերաբերյալ։ Քննչական կոմիտեն ի սկզբանե քրեկան գործ հարուցել էր դիվերսիայի հոդվածով, երբ ադրբեջանցուն ձերբակալել էին մեր զինվորները և հանձնել իրավապահներին։ Դրանից անմիջապես հետո կարծիքներ հնչեցին, որ Հայաստանն Ադրբեջանին է վերադարձնելու «մոլորված» դիվերսանտին։
Երեկ արդեն քննչական կոմիտեն հայտնել է, թե որոշում է կայացվել քրեական հետապնդումն ադրբեջանցու նկատմամբ դադարեցնելու մասին, ԱԱԾ-ն էլ նշեց, որ որպես բարի կամքի դրսևորում և ի կատարումն Հայաստանի Հանրապետության և ադրբեջանական հանրապետության միջև բարձրագույն մակարդակում ձեռք բերված պայմանավորվածության, որ երկու կողմերի մոլորված և հակառակ կողմում հայտնված զինծառայողները սեղմ ժամկետներում պետք է վերադարձվեն, Հայաստանի Հանրապետությունը որոշում է կայացրել Ռուսլան Էլդանիսողլու Փենախովին հանձնել ադրբեջանական կողմին, ընդ որում Հայաստանն իր «բարի կամքի» դրսևորումն իրականացնում է այն պայմաններում, երբ ադրբեջանական բանտերում երկու տասնյակից ավելի հայ ռազմագերիներ կան, այդ թվում Արցախի բարձրագույն իշխանական ներկայացուցիչները։
Ընդհանրապես, գործող իշխանությունների անողնաշարությունը դրսևորվում է ցանկացած իրավիճակում։ Շաբաթներ առաջ էլ Հայաստանը հայտարարել էր, թե իր մոտ ականապատ դաշտերի քարտեզներ են հայտնվել և ևս 8 գրանցամատյան նվիրել էր ադրբեջանական կողմին։
«Բարի կամքի» այս դրսևորումը հերթական անգամ արժանացել էր ոչ թե Ադրբեջանի շնորհակալությանը, այլ լկտի և ագրեսիվ պատասխանին։ Նախօրեին էլ Ադրբեջանը հայտարարել է, թե Հայաստանի տրամադրած ականապատ դաշտերի քարտեզները բանի պետք չեն և դիմել էր միջազգային հանրությանը՝ Հայաստանի վրա ճնշում գործադրելու համար։
Ըստ էության, փաշինյանական իշխանությունը հերթական անգամ ապացուցում է, որ զուրկ է արժանապատվությունից, տղամարդկությունից և հանուն սեփական իշխանության երկարաձգման՝ պատրաստ է ցանկացած կեղտոտ քայլի։
Աիդա Ավետիսյան
Վեհափառ Հայրապետի աջը համբուրելու համար Զավենիչի արդարացումները չեն ընդունվել. «Իրավունք»
Ալաշկերտի դպրոցի պահակը դպրոցից կատարել է եվրոպական արտադրության դռների գողություն
Արագածոտնի մարզում փրկարարները մորն ու նրա 3 անչափահաս երեխաներին տեղափոխել են հիվանդանոց
Դոլարն էժանացել է, ռուբլին՝ թանկացել․ փոխարժեքն՝ այսօր
Արամ Զավենիչի քայլն ընդունել են որպես քաղաքական թարս չափալախ ու թաղմանը չեն գնացել․ «Հրապարակ»
Փաշինյանի պլանները կաթողիկոսի մասով չեն հաջողվում. 57-ից 10-ը անբավարար են. «Ժողովուրդ»
Ինչին չդիմացավ ԱԱԾ նախկին տնօրեն Գեորգի Կուտոյանը․ ինքնասպանությունից 6 տարի անց․ «Ժողովուրդ»
Պետության հաշվին հարստացողներն այլոց «նախաճաշն» են հաշվում. «Փաստ»
Թունավորվել են ոչ թե սննդից, այլ... շմոլ գազից. «Փաստ»
Էլեկտրաէներգիայի անջատումներ են սպասվում