Տարածաշրջանը եռում է. Հայաստանի ՊՆ-ի հույսը Իրա՞նն է
Տեղական և օտարերկրյա բազմաթիվ վերլուծաբաններ վերջին շաբաթներին անընդհատ գուժում են ռազմական նոր էսկալացիայի հնարավորության մասին։ Տարածաշրջանում ընթացող պրոցեսները և աննախադեպ ակտիվությունը ցավոք հենց այդ կանխատեսման օգտին են խոսում։
Երեկ, Ադրբեջանի պաշտպանության նախարար Զաքիր Հասանովը մեկնել է Թուրքիա և հանդիպել Թուրքիայի պաշտպանության նախարար Յաշար Գյուլերի հետ՝ քննարկելով հետագա ռազմական համագործակցությունը։ Թուրքիան և Ադրբեջանն արդեն տևական ժամանակ Հայաստանից պահանջում են այսպես կոչված Զանգեզուրի միջանցքը՝ առանց խոչընդոտ երթևեկելու հնարավորությամբ։ Հայաստանը, որ հայտարարել է, թե որևէ միջանցքային տրամաբանություն գոյություն չունի, փորձում է դիվերսիֆիկացնել իր անվտանգային համակարգը։ Ի վերջո Հավաքական Արևմուտքից առանձնապես հույս նույնիսկ Նիկոլ Փաշինյանի իշխանությունը չունի, հասկանում է, որ Արևմուտքը «վրդովված» հայտարարություններից այն կողմ չի անցնելու, իսկ Ֆրանսիայից և հեռավոր այլ երկրներից ստացած սպառազինութունն էլ ավելի շուտ քարոզչական, քան պաշտպանական նպատակներ ունի։
Այս ֆոնին Հայաստանի պաշտպանության նախարար Սուրեն Պապիկյանը մեկնել է Իրան, որտեղ նրան ընդունել են հանդիսավոր արարողությամբ։ Պապիկյանը հանդիպել է Իրանի պաշտպանության նախարար Աշթիանիի, գլխավոր շտաբի պետ Բաղերիի հետ, քննարկել ընդհուպ ռազմական համագործակցության հնարավորությունները։ Հայ-իրանական ռազմական համագործակցության մասին, թերևս մինչ օրս որևէ տեղեկություն չկա և պաշտոնական հաղորդագրության մեջ նման նշում անելը ինչ-որ բավականին լուրջ զարգացումների մասին է վկայում։ Իրանը հայտնել է, որ Հայաստանի տարածքային ամբողջականությունը իր համար կարմիր գիծ է և չի բացառվում, որ Հայաստանը փորձում է ստանալ Իրանի հնարավոր աջակցությունը սպասվող էսկալացիայի ժամանակ Թեհրանից օգնության ակնկալիքով։
Հայկ Սարուխանյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Երբ ջնջվում է... ոգին. «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...
Քաղաքական «մարտեր առանց կանոնների». «Փաստ»