Յոթ երկրներ նախազգուշացրել են Ռուսաստանում ահաբեկչությունների սպառնալիքի մասին
Մոսկվայում ԱՄՆ դեսպանատունը նախազգուշացրել է Ռուսաստանում առաջիկա 48 ժամվա ընթացքում ահաբեկչությունների սպառնալիքի մասին։ Նախազգուշացմանը միացել են Լատվիան, Հարավային Կորեան, Շվեդիան, Կանադան, Գերմանիան և Չեխիան, գրում է dw.com-ը։
Լատվիայի ԱԳՆ-ն, վկայակոչելով ԱՄՆ դեսպանատան տեղեկատվությունը, ուրբաթ օրը՝ մարտի 8-ին, կոչ է արել իր քաղաքացիներին զգույշ լինել և առաջիկա 48 ժամվա ընթացքում խուսափել Մոսկվայում զանգվածային հավաքներից։ Գերատեսչությունը նաև կոչ է արել Լատվիայի քաղաքացիներին լքել Ռուսաստանի Դաշնության տարածքը՝ «միջազգային անվտանգության ոլորտում լարված իրավիճակի պատճառով»։
Կանադայի իշխանությունները խորհուրդ են տվել իրենց քաղաքացիներին զերծ մնալ Ռուսաստան մեկնելուց, ինչպես նաև զգուշացրել են ահաբեկչական հարձակման վտանգի մասին։ Նման նախազգուշացում է արել նաև Ռուսաստանում Հարավային Կորեայի դեսպանատունը։ Շվեդիայի դեսպանատների և հյուպատոսությունների կայքում հայտնվել է նախազգուշացում, ըստ որի երկրի քաղաքացիներին խորհուրդ է տրվում չայցելել Ռուսաստան «տարածաշրջանում անվտանգության վատթարացող իրավիճակի պատճառով», իսկ Մոսկվայում Չեխիայի դեսպանատունը կոչ է արել իր քաղաքացիներին հատուկ զգուշանալ և խուսափել մարդաշատ վայրերից «Ռուսաստանի Դաշնության խոշոր քաղաքներում ծայրահեղական խմբավորումների հնարավոր հարձակումների մասին հայտնված տեղեկությունների պատճառով»:
Իր հերթին, Գերմանիայի ԱԳՆ-ն թարմացրել է Ռուսաստանի Դաշնություն մեկնելու վերաբերյալ առաջարկությունները խստորեն խորհուրդ տալով Գերմանիայի քաղաքացիներին հրաժարվել դրանցից:
Հիշեցնենք, որ նախորդ գիշեր էր ԱՄՆ դեսպանատունը զգուշացրել առաջիկա երկու օրվա ընթացքում Մոսկվայում ահաբեկչությունների սպառնալիքի մասին։ Ավելի ուշ Մեծ Բրիտանիայի արտաքին գործերի նախարարությունը և ԱՄՆ Պետդեպարտամենտի հյուպատոսական բյուրոն են զգուշացրել վտանգի մասին։ Բացի այդ, Պետդեպարտամենտը առավելագույնի է բարձրացրել Ռուսաստան մեկնելու ռիսկի մակարդակը։
Հայկ Մինասյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Երբ ջնջվում է... ոգին. «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...
Քաղաքական «մարտեր առանց կանոնների». «Փաստ»