Ի՚նչ նպատկ է հետապնդում ՌԴ ԱԳՆ-ն

Ռուսաստանը Բրյուսելում կայացած հանդիպումը գնահատում է որպես Հարավային Կովկասը աշխարհաքաղաքական դիմակայության մեջ ներքաշելու փորձ։

ՌԴ ԱԳՆ-ն հայտարարություն է տարածել, նշելով, թե Մոսկվային հայտնի է, որ Վաշինգտոնը և Բրյուսելը ձգտում են հասնել ՀԱՊԿ-ից և ԵԱՏՄ-ից Հայաստանի դուրս գալուն, ռուսական ռազմաբազայի և սահմանապահների դուրս բերմանը։

Հայտարարելով, որ Արևմուտքը ցանկանում է Հայաստանը վերածել Հարավային Կովկասում իր չափազանց վտանգավոր ծրագրերի իրականացման գործիքի, Մոսկվան կոչ է անում Երևանին թույլ չտալ, որ Արևմուտքը խաբի իրեն և երկիրը տանի սխալ ճանապարհով։

Ռուսական կողմի այս մտահոգությունը , իհարկե, հասկանալի է, անհասկանալի է հանդիպմանն այսպիսի լուրջ և ուռճացված դեր վերապահելու Մոսկվայի քայլը։ Փաստացի, Փաշինյանը ձախողեց Բրյուսելում կայացած հանդիպումը որևէ երաշխիք չստանալով՝ և մինչ հանրությունը, փորձագետները և քաղաքագետները արձանագրում են այս իրողությունը, Ռուսաստանի ԱԳՆ-ից հերթական անգամ հանդիպումը ներկայացնում են կարծես պատմական և ճակատագրական իրադարձություն։

Իրականում բարդ է ասել, որ Ռուսաստանում չեն հասկանում այս հանգամանքը, և, ընդհակառակը, պետք էր պարզապես անուշադրության մատնել և փորձել առաջ մղել ռուսական փափուկ ուժը Հայաստանում Ռուսաստանի նկատմամբ վերաբերմունքը բարձրացնելու համար, փոխարենը հենց իրենք են սրում իրավիճակը՝ Բրյուսելում ԱՄՆ պետքարտուղարի և Եվրահանձնաժողովի նախագահի հետ կայացած հանդիպմանը ինչ-որ խորհրդավորության շղարշ հաղորդելով։

Արդյոք ՌԴ ԱԳՆ-ն իր այս հայտարարությամբ չի փորձում օգնել Նիկոլ Փաշինյանին և նրա արևմտյան հովանավորներին, բարդ է ասել։

Աննա Հովնանյան