Գործող իշխանությունը հայ-ռուսական հարաբերությունները վատթարացնելուն զուգահեռ, նաև հայ հանրության մեջ հակառուսական տրամադրություններ է փորձում ներարկել. Արշակ Կարապետյան
Հայաստանի զբոսաշրջային կոմիտեն հրապարակել է 2024 թվականի մարտին դեպի Հայաստան զբոսաշրջային այցելությունների թիվը։
Ըստ պաշտոնական տվյալների՝ 2024 թվականի մարտին, Հայաստան է այցելել 154 215 զբոսաշրջիկ։ Նախորդ տարի ցուցանիշն ավելի մեծ էր՝ 159 918։
2024 թվականի մարտին դեպի Հայաստան ավելի շատ զբոսաշրջային այցելություններ գրանցվել են Ռուսաստանից` 42 %, Վրաստանից՝ 14 % և Իրանից՝ 8 %, ընդ որում, ըստ պաշտոնական աղբյուրների` վերջին ամիսներին զբոսաշրջային հոսքը նվազում է, առայժմ ոչ շատ արագ տեմպերով, սակայն փորձագետները նշում են, որ առաջիկայում ավելի է արագանալու և հիմնականում նվազում է արձանագրվելու Ռուսաստանից, ինչի պատճառը մեկն է՝ հայաստանյան բանկերի կողմից «Միր» քարտերի սպասարկման դադարեցումը։ Տուրք տալով արևմտյան պատժամիջոցներին՝ հայաստանյան բանկերի մեծամասնությունը հրաժարվում է գործարքներ կատարել «Միր» բանկային քարտերով. միակ բանկը, որ դեռևս սպասարկում է՝ ռուսական ՎՏԲ-ի դուստր ձեռնարկությունն է՝ ՎՏԲ Արմենիան, իսկ այդ բանկը Հայաստանի ոչ բոլոր մարզերում և ոչ բոլոր տեղերում ունի համապատասխան բանկոմատներ և մասնաճյուղեր՝ գործարքներ իրականացնելու համար։
Արդյունքում` Ռուսաստանից նվազում են ոչ միայն տրանսֆերները, մարդիկ խնդիրներ են ունենում այդ երկրից իրենց հարազատներից գումար ստանալու առումով, բացի այդ տարածված տեղեկությունը և լրատվության մեջ արծարծվող կարծիքները բազմաթիվ ռուսաստանցիների հետ են պահում Հայաստան այցելելու մտադրությունից։ Եթե մեկ ամսվա կտրվածքով նվազումը 5 հազար է կազմել, ապա առաջիկայում այն ավելի շոշափելի է լինելու։
Մեր տեղեկություններով՝ Ռուսաստանից հայաստանյան հյուրանոցների ամրագրումների գրեթե կեսն արդեն իսկ չեղարկվել է, քանի որ ռուսաստանցիները չգիտեն, թե ինչպես են վճարելու։ Լուրջ անկում է արձանագրվում մարզերում՝ տուրիզմի ոլորտում։ Տարբեր հյուրանոցներ, որոնք արդեն այս ամիսներին մշտապես գերբեռնված էին լինում, այժմ կիսադատարկ վիճակում են, իսկ հյուրանոցների և ռեստորանների սեփականատերերը լուրջ ֆինանսական կորուստներ են կրում։ Արդյունքում` զբոսաշրջության ոլորտը բախվելու է հերթական ստագնացիային և անկմանը։
«Համահայկական ճակատ» շարժման առաջնորդ Արշակ Կարապետյանի գնահատմամբ՝ հայ-ռուսական հարաբերությունների վատթարացումը տնտեսական լրջագույն խնդիրներ է առաջացնելու Հայաստանում, ընդ որում այդ ամենն իրականացվում է Հայաստանի գործող իշխանությունների կանխամտածված քայլերի արդյունքում, այդ կերպ, իշխանությունը հարաբերությունները վատթարացնելուն զուգահեռ, նաև հանրության մեջ հակառուսական տրամադրություններ է փորձում ներարկել։ Այս ամենի պատասխանը Հայաստանն անկասկած ստանալու է առաջիկայում, իսկ թե ինչպես է կարողանալու փրկել առանց այդ էլ զգայուն տնտեսությունը դժվար է կռահել:
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Երբ ջնջվում է... ոգին. «Փաստ»
Քաղաքական «մարտեր առանց կանոնների». «Փաստ»
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան