Անդրանիկ Քոչարյանը կեղծիքներ է տարածել Արշակ Կարապետյանի վերաբերյալ
«Համահայկական ճակատ» կուսակցության ստեղծումն ու անցկացրած համագումարը հարուցել է Հայաստանի գործող իշխանությունների վախը, որևէ այլ կերպ հնարավոր չէ մեկնաբանել այն արձագանքները, որ տալիս են փաշինյանական իշխանության ներկայացուցիչները, գրեթե նույն տոնայնությամբ, ինչ` ադրբեջանական լրատվամիջոցներն ու վերլուծաբանները։
Ազգային ժողովի պաշտպանության և անվտանգության հարցերի հանձնաժողովի նախագահին էր հանձնարարված հեգնական տոներով պատասխանել Արշակ Կարապետյանին և կեղծիքներ տարածել նրա վերաբերյալ։ Երեկ խորհրդարանում լրագրողների հետ ճեպազրույցում Արդրանիկ Քոչարյանը ստերի մի ամբողջ կույտ է տարածել, նշել է, որ ինքը նայել է ամբողջ համագումարի ընթացքը, և ավելացրել, թե «Արմենիա Մարիոթում» կայացած համագումարը սակավամարդ է եղել։ «Էնքան տպավորված եմ նաև «Մարիոթում» համագումարից, նայեք համագումարի դահլիճն ինչի՞ ցույց չտվեցին», - հայտարարել է Անդրանիկ Քոչարյանը:
Մինչդեռ համագումարի դահլիճից ստացված տեսանյութերն ու լուսանկարները փաստում են, որ «Համահայկական ճակատ» կուսակցության համագումարին շատ ավելի մարդիկ են մասնակցել, քան՝ բազմաթիվ այլ առաջատար կուսակցությունների նման միջոցառումներին։
Անդրանիկ Քոչարյանը նաև կեղծիքներ է տարածել Արշակ Կարապետյանի վերաբերյալ՝ կրկին հիշելով ապրիլյան քառօրյա պատերազմը։ Ավելին, Կարապետյանին կոչ է արել վերադառնալ Հայաստան և Հայաստանում ստեղծել իր նշած տրիբունալը, որը պետք է դատի Նիկոլ Փաշինյանին։
Ըստ ամենայնի՝ հենց Արշակ Կարապետյանի այս առաջարկն է, որ հունից հանել է գործող իշխանությունների ներկայացուցիչներին և իրենք էլ չեն բացառում, որ Հայաստան վերադառնալու դեպքում, Արշակ Կարապետյանը ձերբակալվելու է գործող իշխանությունների կողմից, մինչդեռ փաշինյանական իշխանության որևէ իրավապահ մարմին մինչ օրս որևէ տեղեկություն չի հայտնել հնարավոր որևէ քրեական գործի վերաբերյալ, ինչը վկայում է, որ Նիկոլ Փաշինյանի իշխանությունը չափազանց ծանր է տանում իր հասցեին քննադատությունը և հատկապես Արշակ Կարապետյանից։
Իրենց ցինիզմի և լկտիության այն դոզան, որով փորձում են նսեմացնել «Համահայկական ճակատ» շարժմանը և նրա առաջնորդին, ընդամենը խոսում է մեկ բանի՝ գործող իշխանությունների վախերի մասին։
Վեհափառ Հայրապետի աջը համբուրելու համար Զավենիչի արդարացումները չեն ընդունվել. «Իրավունք»
Ալաշկերտի դպրոցի պահակը դպրոցից կատարել է եվրոպական արտադրության դռների գողություն
Արագածոտնի մարզում փրկարարները մորն ու նրա 3 անչափահաս երեխաներին տեղափոխել են հիվանդանոց
Փաշինյանի պլանները կաթողիկոսի մասով չեն հաջողվում. 57-ից 10-ը անբավարար են. «Ժողովուրդ»
Արամ Զավենիչի քայլն ընդունել են որպես քաղաքական թարս չափալախ ու թաղմանը չեն գնացել․ «Հրապարակ»
Դոլարն էժանացել է, ռուբլին՝ թանկացել․ փոխարժեքն՝ այսօր
Ինչին չդիմացավ ԱԱԾ նախկին տնօրեն Գեորգի Կուտոյանը․ ինքնասպանությունից 6 տարի անց․ «Ժողովուրդ»
Հրազդան գետում հայտնաբերել է երիտասարդ տղայի մարմին. այն դուրս բերելու համար ժամանել են փրկարարներ
Պետության հաշվին հարստացողներն այլոց «նախաճաշն» են հաշվում. «Փաստ»
Թունավորվել են ոչ թե սննդից, այլ... շմոլ գազից. «Փաստ»