Փաշինյանը գերազանցել է ինքն իրեն` ադրբեջանական նարատիվների տարածման ծավալով
Հայաստանի վարչապետ Նիկոլ Փաշինյանը, երեկ Ազգային ժողովում, ներկայացնում էր կառավարության ծրագիրը և ադրբեջանական նարատիվներ տարածելու իր հմտությամբ` գերազանցել է անգամ ինքն իրեն։
Նախ, Փաշինյանը հակասություններ գտավ պատմական և իրական Հայաստանների միջև, հայտարարեց, որ դրանք ոչ միայն համատեղելի չեն, այլ հաճախ հակոտնյա են միմյանց, անգամ լրջագույն սպառնալիքներ են ստեղծում մեկը մյուսի համար։
Այս կերպ Փաշինյանը ոչ թե բաժանարար գիծ է դնում պատմական և իրական Հայաստանների միջև, այլ փորձում է ապացուցել սեփական կուսակցության և անձամբ իր` ապիկար ու դավաճանական գործունեությունը։ Փաշինյանը նաև շարունակեց մեղադրանքների տարափ տեղալ Ռուսաստանի հասցեին՝ պնդելով, որ սկսած 2021 թվականից Ռուսաստանը փորձել է Հայաստանում հեղաշրջում, զինված ներխուժում, ներքաղաքական լարվածություն մտցնել։
Մեղադրանքների մի շարք էլ ուղղված էր Հավաքական անվտանգության պայմանագրի կազմակերպությանը։ Ըստ էության, Փաշինյանը հայտարարեց, թե ՀԱՊԿ խաղաղապահներ Հայաստան բերելով, ի վերջո, Հայաստանը վերածվելու էր խամաճիկ պետության և վերանալու էր երկրի երեսից։
Շարունակելով պնդել, որ Տավուշում հանձնելիք 4 գյուղերը ադրբեջանական են, Նիկոլ Փաշինյանը` նաև զբաղեցնելով գերագույն գլխավոր հրամանատարի պաշտոնը, ի սկզբանե հանրությանը ահաբեկում է պարտությամբ՝ նշելով, թե պատերազմի դեպքում հայկական բանակը պարզապես շանս չունի կռվելու ադրբեջանական զինված ուժերի դեմ։
Այս կերպ, առաջին հերթին, Փաշինյանը հարվածում է զինվորականությանը։ Հարկ է ընդգծել, որ նիստին ներկա ընդդիմադիր երկու խմբակցություններն ամենևին էլ իրենց նեղություն չտվեցին խիստ հարցեր տալ Նիկոլ Փաշինյանին և նեղը գցել նրան, փոխարենը դա բարեհաջող կերպով իրականացրին լրագրողները` միջանցքում ճեպազրույցի ժամանակ այնպիսի «օյին» դնելով վարչապետի պաշտոնը զբաղեցնողի գլխին, որ վերջինիս լեզուն երբեմն կապ էր ընկնում և չէր կարողանում ողջամիտ պարզաբանումներ տալ իր հակահայկական կեցվածքի համար։
Նանե Ավետիսյան
Փաշինյանը ջանք չի խնայում Հայաստանը Ադրբեջանի պատկերացրած տարածքի վերածելու համար․ Հայրապետյան
Էդողանի դիրքորոշումը՝ պատերազմ հրահրող սիոնիստական ռեժիմը դատապարտելու հարցում գովելի է․ Փեզեշքիան
Գիշերվա նախարար․ ինչու է Արսեն Թորոսյանը մնում Փաշինյանի ամենավստահելի կադրերից. «Ժողովուրդ»
Իրանը հրթիռների վրա փակցրել է Իսպանիայի վարչապետի նկարը, որը հրաժարվել է աջակցել ԱՄՆ-ի հարվածներին
Այսօր «Համահայկական ճակատ» շարժման անդամները` ղեկավար Արսեն Վարդանյանի գլխավորությամբ, Ազգային ժողով...
Արցախի հանձնումից հետո պատերազմ հնարավոր է միայն մեկ դեպքում, եթե Նիկոլն ինքը հրահրի այդ պատերազմը
Նիկոլ Փաշինյանն ուզում է Սասուն Միքայելյանի վախը բռնել. «Հրապարակ»
ԱՄՆ-ն ցանկանում է իր վերահսկողության տակ վերցնել «Հյուսիսային հոսք» գազատարը․ Լավրով
Արմավիրի մարզում «Ford Transit»-ը կամրջից ընկել և հայտնվել է դրա տակ. 2 հոգի տեղափոխվել է հիվանդանոց
Դոլարն էժանացել է․ փոխարժեքն՝ այսօր