Փաշինյանը խոստովանում է իր ձախողումը
Նախօրեին Հայաստանի կառավարությունում տեղի ունեցած մի հարցուպատասխան ամբողջությամբ բացահայտում է գործող իշխանությունների դիլետանտությունն ու կառավարման հմտությունների լիակատար բացակայությունը։
Կառավարության նիստում վարչապետ Նիկոլ Փաշինյանը հայտարարել է, թե պետական կառավարման համակարգի առաջնային օղակում խոր խնդիրներ է տեսնում։
Մասնավորապես, քննադատել է առողջապահության և պաշտպանության նախարարություններին, ընդամենը մի դրվագով նշել, որ վերջին շրջանում մի քանի աղմկոտ դեպքեր է հիշում, երբ զորահավաքային, առողջապահոթյան համակարգի աշխատակիցների ներգրավմամբ ուղղակի սխեմաներ են գործում և ապօրինություններ իրականացվում։
«Արձանագրվել էր, որ զորակոչիկի ուղեղում կիստա կա, բայց դա հնարավոր չէ նույնականացնել, այն հետազոտական տվյալը, որին հղում է արվում, հենց այդ մարդու հետազոտության տվյալն է,թե տիպային կիստա ունենք, պատճենով բոլորի գործերի մեջ դնում ենք ու ազատում»,- ասել է Փաշինյանը։
Ո՞ւմ մտքով կանցներ, որ երկրի էլիտար երկու մասնագիտություն ունեցող ներկայացուցիչների միջև այդպիսի լայն համագործակցություն կա ընդդեմ պետության, իբր արձանագրել է նա։ Ավելին, վարչապետի պաշտոնը զբաղեցնող անձը էական է համարում, որ այս ահազանգերը և իրավիճակները տվյալ համակարգերից չեն ստացվել։
Մինչ Փաշինյանը փիլիսոփայում էր, թե՛ առողջապահության նախարար Անահիտ Ավանեսյանը, թե՛ պաշտպանության նախարար Սուրեն Պապիկյանը ոչինչ չասող դեմքով նայում էին նրան և չէին ցանկանում խոստովանել, որ իրենց ոլորտներում ձախողումները իրենց իսկ պատասխանատվությունն է։
«Հայաստանում խոր պետական համակարգի ճգնաժամ է»,- արձանագրում է Նիկոլ Փաշինյանը՝ ինքն էլ չարձանագրելով, որ դրա գլխավոր և թիվ մեկ պատասխանատուն հենց ինքն է։
Իրենց իսկ դիլետանտության, պետական կառավարման համակարգից ընդհանրապես գլուխ չհանելու պատճառով, Հայաստանում կոռուպցիան ավելի է արմատավորվել, տասնյակներով և հարյուրներով երիտասարդներ կաշառքի միջոցով ազատվում են բանակային ծառայությունից, իսկ պաշտպանության նախարարությունը, առողջապահության նախարարությունն ընդհանրապես ի վիճակի չեն վերահսկելու այդ գործընթացը։
Փաշինյանն էլ , որն իրեն լրագրող է պատկերացնում, ընդամենը արձանագրումներ է անում Կառավարության նիստում, փոխանակ դիմում գրի և հեռանա։
Էմմա Հունանյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Երբ ջնջվում է... ոգին. «Փաստ»
Քաղաքական «մարտեր առանց կանոնների». «Փաստ»
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան