Ադրբեջանն ի հաշիվ Հայաստանի լավացնում է հարաբերությունները Ռուսաստանի հետ
Մինչ Հայաստանի գործող իշխանութունները հետևողականորեն փչացնում են Ռուսաստանի հետ հարաբերությունները, Ադրբեջանն, օգտվելով այդ հանգամանքից, լուրջ քայլեր է ձեռնարկում Ռուսաստանի հետ հարաբերութունները բարելավելու ուղղությամբ։ Երեկ Մոսկվայում կայացել է Ռուսաստանի և Արբեջանի նախագահներ Վլադիմիր Պուտինի և Իլհամ Ալիևի հանդիպումը։
Ադրբեջանի նախագահն իր խոսքում նշել է, թե Ռուսաստանը անկյունաքարային երկիր է Հարավային Կովկասիում անվտանգության ապահովման առումով։ Ընդհանրապես հանդիպումն անցել է չափազանց ջերմ տոների մեջ, Ալիևն ու Պուտինը նաև մասնակցել են «Բայկալ-Ամուրյան» մագիստրալի շինարարության վետերանների հետ հանդիպմանը, ընդգծել Իլհամի հոր՝ Հեյդարի գործունեությունը ԽՍՀՄ նախարարների խորհրդի փոխնախագահի պաշտոնում։
Ուշագրավ է, որ հանդիպման ընթացքում որևէ արձագանք չի եղել Տավուշի մարզում սկսված սահմանազատմանը։ Ո՛չ Վլադիմիր Պուտինը, ո՛չ Իլհամ Ալիևը բառ անգամ չեն ասել այդ կապակցությամբ։ Իսկ այդ ընթացքում Փաշինյանը հարցազրույց էր տալիս բրիտանական լրատվամիջոցներին՝ կրկին մեղադրանքներ հասցեագրելով Ռուսաստանին և ՀԱՊԿ-ին։
Մեղադրանքներ հասցեագրելու գործով զբաղվել է նաև Ազգային ժողովի նախագահ Ալեն Սիմոնյանը։ Իսպանիայում մասնակցելով ԵՄ անդամ պետությունների խորհրդարանների նախագահների համաժողովին՝ ելույթ է ունեցել, Ռուսաստանին մեղադրել Ուկրաինա ներխուժելու մեջ, պաշտպանել հակառուսական երկրների տարածքային ամբողջականությունը, նաև հայտարարել, թե՝ «Ռուսաստանն ու Ադրբեջանն իրար հետ հիբրիդային պատերազմ են իրականացնում Հայաստանի դեմ՝ սպառնալիքների և ապատեղեկատվության արշավ կազմակերպում։ Մտահոգիչ է, որ Ռուսաստանի կառավարության բազմաթիվ պաշտոնյաներ համարձակվում են թելադրել Հայաստանի շահերը և խոսել հայ ժողովրդի անունից»,- նշել է Սիմոնյանը ՝ Ռուսաստանին և Ադրբեջանին մեղադրելով նաև ապրիլի 5-ին Բրյուսելում եռակողմ հանդիպման դեմ աշխատելու մեջ։
Մանան Բաբասյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
Մեղրիին կվերադարձվի 2.1 հա մակերեսով հողամաս․ Սյունիքի մարզի դատախազության հայցը բավարարվել է
Դոլարն ու ռուբլին թանկացել են․ փոխարժեքն՝ այսօր
Տարադրամի փոխարժեքները դեկտեմբերի 27-ին
ՊՆ պաշտոնատար անձինք մեղադրվում են խոշոր չափերի հափշտակության մեջ. նախաքննությունն ավարտվել է