Փաշինյանի հարցազրույցն ու Կիրանցի ոստիկանական հարձակումը
Հայաստանի վարչապետի պաշտոնը զբաղեցնող Նիկոլ Փաշինյանի՝ Հանրային հեռուստաընկերությանը տված հարցազրույցն ընդամենը մեկ նպատակ էր հետապնդում` անոնսավորել Տավուշի մարզի սահմանամերձ գյուղերի բնակիչների նկատմամբ բռնության գործողությունները։
Փաշինյանը մեկ ժամ շարունակ պատասխանել է Պետրոս Ղազարյանի հարցերին և որևէ հարցի այդպես էլ հստակ պատասխան չի տվել։ Անընդհատ խուսափելով, խուսանավելով և խաբելով՝ փորձել է պնդել իր կեղծ և ադրբեջանական նարատիվները։
Ըստ էության` Նիկոլ Փաշինյանը նշում է, թե որևէ անվտանգության երաշխիք չի կարող տալ, ընդամենը իր չարչրկած լեգիտիմություն բառի միջոցով փորձում է տպավորություն ստեղծել, թե հնարավոր է ապահովել Հայաստանի տարածքների անվտանգությունը։ Հարցին, թե ո՞րն է երաշխիքը, որ Ադրբեջանը ռազմական գործողություններ չի սկսի, Փաշինյանը պատասխանել է՝ «Մեր դիրքերի լեգիտիմությունը»։
Հայաստանը երկար տարիներ լեգիտիմ և միջազգային հանրության կողմից ընդունված նարատիվներ է ներկայացրել և որևէ անգամ խնդիր չի ունեցել. այն որ Փաշինյանի ասածը խոցելի և անհեթեթ է , ակնհայտ է յուրաքանչյուրին, նույնիսկ նրա թիմակիցներին։ Ի վերջո, 44-օրյա պատերազմում կրած ծանր պարտությունից հետո, գործող վարչախմբին հաջողվեց պահպանել իր աթոռը, և այժմ իշխանությունը պահելու նպատակով նրանք պատրաստ են ցանկացած գործողության՝ մի կողմից խաբելով և մանիպուլացնելով հասարակությանը, մյուս կողմից` ընդհուպ ուժ կիրառելով սեփական քաղաքացիների նկատմամբ։
Փաշինյանի հայտարարությունից հետո, այսօր առավոտյան պաշտպանության նախարարությունը հայտնել է, թե Կիրանց գյուղի հատվածում ականազերծում է իրականացվում, ոստիկանությունն էլ հատուկ գործողություն է սկսել, փակել է ճանապարհը և ուժ գործադրելով բերման ենթարկել երեք տասնյակ ցուցարարների։
Արմեն Ավագյան
Հուսով եմ` տիկինը կհերքի Քաջարանի կոմբինատի բեռնափոխադրման մոնոպոլիստը լինելու ասեկոսեն․ Դանիելյան
Փաշինյանի ձեռամբ ադրբեջանցի հատուկ ջոկատայինները գալու են ու «խաղաղ» տեղավորվեն ՀՀ-ում. ադրբեջանագետ
Մահացել է անվանի բժիշկ Արտավազդ Սահակյանը
Իշխանությունը քահանա է փնտրում. ինչ է կատարվում Գյումրիում. «Ժողովուրդ»
Ուզել են Արշակ Սրբազանի գրպանը բան գցեն, հիշել են՝ սքեմը գրպան չունի. Հայկ Մամիջանյան
Ռուբլին թանկացել է․ փոխարժեքն՝ այսօր
Արշակ սրբազանին վերաբերող ճեպազրույցում անզգույշ մի արտահայտություն եմ արել․ փաստաբան
Ինչո՞ւ «նետերն» ուղղվեցին հենց «կռիվը բաժանողի» վրա. «Փաստ»
Վիճաբանություն և ծեծկռտուք՝ Երևանում. կա վիրավոր. 6 մասնակիցների ինքնությունը պարզվել է
Ուրիշ ո՞ւմ հետ պետք է մենամարտեմ հիմա, եթե ոչ նրա. Ծառուկյանը նոր մրցակից է ընտրել