ԱՄՆ-ում սկանդալ է ծագել ադրբեջանամետ կոնգրեսականի հետ
Միացյալ նահանգներում կոռուպցիոն հերթական սկանդալն է ծագել, որը կապված է Ադրբեջանի հետ։ ԱՄՆ արդարադատության նախարարությունը մեղադրանքներ է առաջադրել դեմոկրատ կոնգրեսական Կուելյարին և նրա կնոջը՝ Իմելդային, Ադրբեջանի նավթագազային ընկերությունից և մեքսիկական բանկերից մեկից կաշառք ստանալու համար։
Մասնավորապես հաջողվել է պարզել, որ 2014-ից 2021 թվականները կոնգրեսականն ու իր կինը 600 հազար ԱՄՆ դոլար կաշառք են ստացել Ադրբեջանի պետական նավթագազային «Սոկար» ընկերությունից, որն ամբողջությամբ գտնվում է Ալիևի վերահսկողության ներքո։
Կուելյարի դեմ այս քննությունն առաջինը չէ. դեռևս 2022 թվականին հետաքննությունների դաշնային բյուրոն խուզարկել էր նրա տունն ու նախընտրական գրասենյակը։ Կուելյարը Կոնգրեսում Ադրբեջանի հետ բարեկամության խմբի համանախագահն է և բազմիցս հանդիպել է ադրբեջանցի պաշտոնյաների, այդ թվում` Ադրբեջանի դեսպանի հետ։ Մի քանի անգամ էլ հակահայկական բովանդակության նախագծեր է փորձել ներկայացնել, որոնք ձախողվել են հայամետ կոնգրեսականների ջանքերով, այժմ էլ պարզվում է, որ Կուելյարը հակաօրինական գործողություններ է արել, Ադրբեջանի շահերի վճարովի լոբբինգով զբաղվել և դրա դիմաց հսկայական միջոցներ ստացել Ադրբեջանի բռնապետից։ Թե ի՞նչ ընթացք կունենա այս դատաքննությունը, բարդ է ասել։
ԱՄՆ-ում չափազանց դժվար է ազատազրկել նման բարձրաստիճան պաշտոնյայի, բայց արդարադատության նախարարությունը հայտնել է, որ բոլոր ապացույցներն ունի ադրբեջանամետ կոնգրեսականին պատասխանատվության ենթարկելու համար։
Մերի Սերոբյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
Մեղրիին կվերադարձվի 2.1 հա մակերեսով հողամաս․ Սյունիքի մարզի դատախազության հայցը բավարարվել է
Դոլարն ու ռուբլին թանկացել են․ փոխարժեքն՝ այսօր
Տարադրամի փոխարժեքները դեկտեմբերի 27-ին
ՊՆ պաշտոնատար անձինք մեղադրվում են խոշոր չափերի հափշտակության մեջ. նախաքննությունն ավարտվել է