Վարչախումբը փորձում է ականապատել ընդդիմադիր շարժումը
«Տավուշը հանուն հայրենիքի» շարժման առաջնորդ Բագրատ արքեպիսկոպոս Գալաստանյանը նախօրեին լայն հանդիպում է կազմակերպել քաղաքական տարբեր ուժերի ներկայացուցիչների հետ։ Մի քանի տասնյակ կուսակցությունների առաջնորդներ և ներկայացուցիչներ հանդիպել, մի քանի ժամ քննարկել են հետագա ընթացքը։
Բնավ տարօրինակ չէ, որ հանդիպումից հետո որոշ կուսակցությունների ներկայացուցիչներ սկսեցին քննադատել հենց շարժմանը, հայտարարել, թե անհաղթահարելի գաղափարական տարաձայնություններ ունեն շարժմանը մասնակից տարբեր ուժերի հետ։
Ակնհայտորեն գործող վարչախումբը՝ Նիկոլ Փաշինյանի գլխավորությամբ, ջանքեր է գործադրում քաղաքական դաշտի լայն համախմբումը տորպեդահարելու ուղղությամբ։ Բնավ զարմանալի չէ, որ գործող իշխանություները նաև փորձում են սեփական ականներին տեղավորել Բագրատ Սրբազանի շարժման մեջ, այդ շարժման հաջողությունները հօդս ցնդեցնելու, ինչպես նաև հանրային օրկարգում տպավորություն ստեղծելու, թե ընդդիմադիր շարժման առաջնորդ հոգևորականին չի հաջողվում իրար գլուխ հավաքել բոլոր քաղաքական ուժերին։
Ըստ էության, քաղաքական ուժերը կարող են և պետք է գաղափարական և այլ տարբեր տարաձայնություններ ունենան միմյանց հետ։ Հայաստանի վիճակն այնքան օրհասական է, որ զուտ միայն այդ տարբերություններն առաջ մղելով, ընդդիմադիր շարժման տորպեդահարումը բխում է ընդամենը մեկ մարդու՝ Նիկոլ Փաշինյանի շահերից, ուստի այս պահին նման հայտարարություններն աշխատում են հենց գործող վարչախմբի օգտին։
Ամենևին ցանկություն չունենք ասելու, որ շարժման պառակտման կամ տարբեր ուժերի հետ չհամագործակցելու մտադրության մասին հայտնող միավորումներն իշխանության գործակալներ են, շատ դեպքերում, մի գուցե հենց իրենք էլ չեն պատկերացնում քաղաքական իրավիճակը։
Այս պահին թիվ մեկ հարցը հենց միավորումն է, բոլոր իրական ընդդիմադիրներին մեկ կաթսայում հավաքելը, իսկ արդեն Փաշինյանին իշխանությունից հեռացնելուց հետո, նոր երկրի զարգացման տեսլական նախանշելը։
Սուրեն Սարատիկյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Երբ ջնջվում է... ոգին. «Փաստ»
Քաղաքական «մարտեր առանց կանոնների». «Փաստ»
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան