Ընդդիմության վճռականության հրամայականը
Բագրատ արքեպիսկոպոս Գալստանյանի գլխավորած ընդդիմադիր շարժումը վաղը հանրահավաք է անելու Վանաձորում, իսկ մյուս օրը մեծ հանրահավաք է հայտարարել Երևանում։ Ընդ որում ընդդիմությունը մեկ էական սխալ արդեն թույլ է տվել այն իմաստով, որ այդ հանրահավաքը հռչակել է որպես առանցքային և վճռորոշ՝ նշելով, թե հարկավոր է առնվազն 100 հազար մարդու մասնակցություն։
Նման թիվ չապահովելու դեպքում ապատիայի և շարժման մարման լուրջ վտանգ կա։ Իհարկե, ընդդիմադիր շարժումն այսօր գտնվում է վերելքի պայմաններում, թեպետ գործող իշխանությունները փորձում են տպավորություն ստեղծել Բագրատ Սրբազանի գլխավորած շարժման օրեցօր նվազման մասին։ Այդ նպատակով իշխանական քարոզիչները հանրահավաքները և Սուրբ Աննա եկեղեցու բակում հավաքներ սկսելուց շատ ավելի առաջ դրոնից լուսանկարներ են անում, ապա դրանք տարածում, իբր մի քանի տասնյակ կամ հարյուր մարդ է մասնակցում բողոքի գործողություններին։
Այս մարտավարությունը փաշինյանական վարչախումբը շատ վաղուց է ընտրել, այդ կերպ փորձում են սոցցանցերում և այլ հարթակներում տպավորություն ստեղծել, թե իբր ընդդիմության ետևից քիչ մարդիկ են գնում։
Իրականում բոլորովին հակառակն է, մյուս կողմից էլ բնակչության ահռելի մեծամասնությունն ընդդիմադիր շարժման գործողություններին հետևում է առցանց։ Դա են վկայում գրեթե բոլոր լրատվական կայքերի վերջին շաբաթներին ավելացած դիտումները, հատկապես ուղիղ եթերների մասով։ Հունիսի 9-ի հանրահավաքում Գալստանյանը ներկայացնելու է իրենց վճռական գործողությունները։
Այս իմաստով շարժման առաջնորդը չափազանց ուշագրավ և արդյունավետ մարտավարություն է ընտրել, նախապես որևէ կերպ չհրապարակելով իրենց հետագա գործողությունները, իշխանություններին էլ դնելով բավականին բարդ իրավիճակում, երբ ստիպված է լինում կռահել, կամ ավելի մեծ ուժեր կենտրոնացնել տարբեր ուղղություններով՝ շարժման գործողությունները խափանելու համար։
Անիտա Վարդանյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Երբ ջնջվում է... ոգին. «Փաստ»
Քաղաքական «մարտեր առանց կանոնների». «Փաստ»
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան