Գործող իշխանություններն ամեն կերպ փորձում են կասեցնել ընդդիմության հաղթարշավը․ Արշակ Կարապետյան
Երևանում վերջին օրերին տեղի ունեցող իրադարձությունները, քաղաքական վիճակի կտրուկ սրումը, ինչպես նաև «Սրբազան շարժման» և նրա առաջնորդ Բագրատ արքեպիսկոպոս Գալստանյանի գործողություններն իրական հնարավորություն են ստեղծել երկրում իշխանափոխություն իրականացնելու։
Կհաջողվի՞ ավարտին հասցնել այդ գործընթացը, Հայաստանն ազատել Փաշինյանի և նրա իշխանության ճիրաններից, չափազանց բարդ է ասել՝ հաշվի առնելով, որ գործող իշխանությունները չեն խորշում ամենակեղտոտ քայլերից, ոստիկանական բռնություններով, մահակներով, նաև պատգամավոր գողանալով, փորձում են կասեցնել ընդդիմության հաղթարշավը։
Նախօրեին տեղի ունեցած հանրահավաքում Բագրատ արքեպիսկոպոս Գալստանյանը 96 ժամ է տվել երկրում իրավիճակը բեկելու, փաշինյանական վարչախմբին հեռացնելու համար, նշել, որ Ազգային ժողովը և հատկապես դրա ՔՊ-ական պատգամավորը պետք է միասին որոշում կայացնեն Փաշինյանին հեռացնելու, նոր կառավարություն նշանակելու մասին։
Ընդդիմությունը երեկ միջնորդություն է ներկայացրել Ազգային ժողովին՝ հայտարարություն ընդունելու և կառավարությանը կոչ անելու հրաժարական տալ։ Ազգային ժողովի խորհուրդը մերժել է ընդդիմության առաջարկը, բայց, քանի որ արտահերթ նիստ գումարելու առաջարկով հանդես է եկել անհրաժեշտ թվից ավելի՝ 33 պատգամավորներ, հունիսի 17-ին արտահերթ նիստ է գումարվելու, որտեղ քննարկելու են այդ հայտարարությունը։
Միևնույն ժամանակ դա առանձնապես մեծ իրավական հետևանքներ ունենալ չի կարող, ընդդդիմությանն առայժմ չի հաջողվում հավաքել անհրաժեշտ 36 ստորագրությունները և վարչապետի թեկնածու ներկայացնել Բագրատ Սրբազանին, ինչպես նաև Ազգային ժողովի նիստ հրավիրել, պատճառն այն է, որ փաշինյանական վարչախմբին հաջողվել է ընդդիմությունից առնվազն մեկ պատգամավորի լոյալությունը գնել։
Ցանկացած իրավիճակում Հայաստանում ներքաղաքական վիճակն այնքան է սրվել, որ նույնիսկ, եթե Բագրատ Սրբազանի առաջնորդած շարժումը հաջողություն չգրանցի, Փաշինյանի դիրքերն այնքան են խարխլված, որ նրան չի հաջողվելու երկար ժամանակ պահպանել իր իշխանությունը։ Եվ սա պետք է առաջին հերթին հասկանան հենց ուժային և իրավապահ կառույցներում աշխատող մարդիկ, որոնք էլ հենց անմիջականորեն իրենք են շփվում հանրության հետ, թուքումուր և անեծք ստանում դավաճանական իշխանություններին պաշտպանելու համար։
«Համահայկական ճակատ» շարժման առաջնորդ, պաշտպանության նախկին նախարար, գեներալ-մայոր Արշակ Կարապետյանը, մի քանի անգամ դիմելով ուժային կառույցների ներկայացուցիչներին, բանակի սպաներին, կոչ էր արել ի վերջո գիտակցել պահի լրջությունը և անցնել ժողովրդի կողմը ապօրինի հրամաններ կատարելու փոխարեն։
Արդյունքում Փաշինյանը կարողացել է գնել շատերի լոյալությունը, որին կոչման ու պաշտոնի, որին պարգևավճարի դիմաց, բայց դա մեծ հաշվով որևէ կերպ չի ամրապնդում գործող վարչախմբի դիրքերը, ընդհակառակը, ավելի է թուլացնում, ցույց է տալիս, որ Հայաստանը վերածվել է ոստիկանական բռնապետության, իսկ ռեսուրսներ չունեցող ոստիկանապետությունն ի վիճակի չէ երկար դիմադրել հանրային լայն ճնշմանը։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մեղրիին կվերադարձվի 2.1 հա մակերեսով հողամաս․ Սյունիքի մարզի դատախազության հայցը բավարարվել է
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
Տարադրամի փոխարժեքները դեկտեմբերի 27-ին
Արցախ վերադարձի հարցը Փաշինյանի համար փակված է, մեզ համար փակված չէ, կա նոյեմբերի 9-ի փաստաթուղթ, որ...
ՊՆ պաշտոնատար անձինք մեղադրվում են խոշոր չափերի հափշտակության մեջ. նախաքննությունն ավարտվել է