Վարչախումբն անցել է լայնածավալ բռնաճնշումների
«Տավուշը հանուն հայրենիքի» շարժման ձախողումից հետո, բնականաբար, գործող իշխանությունները պետք է անցնեն լայնածավալ բռնաճնշումների, ձերբակալությունների, ժանրի կանոններն են այդպիսին։
Հայ հեղափոխական դաշնակցությունն ահազանգել է, որ երեկվանից ուժայինները մուտք են գործել կուսակցության Եղեգնաձորի և Վայքի գրասենյակներ, բերման ենթարկել առնվազն 10 հոգու, ընդ որում հաշվի չեն առել մարդկանց սոցիալական դրությունը և սեռը։ Ձերբակալել են նաև երկու կնոջ՝ սկեսուրի և հարսի, հարսը մանկահասակ փոքրիկ երեխաներ ունի։
Քննչական կոմիտեն պնդում է, որ քննչական և վարույթային գործողություններ են իրականացնում, բայց թե ինչ քրեական գործի շրջանակներում, չի հաղորդվում, թեև քրեական գործն ամենևին էլ էական չէ։ Վարչախումբն ընդդիմախոսներին ճնշելու համար ցանկացած հոդվածով կարող է քրեական գործ հարուցել, մարդկանց ամիսներով և տարիներով պահել անազատության մեջ։ Ի սկզբանե ակնհայտ էր, որ փաշինյանական վարչախումբը կանգ չի առնելու, փորձելու հունիսի 12-ին իր կիրառած զենքի, ժողովրդի վրա նռնակներ նետելու, տասնյակ մարդկանց վնասվածքներ հասցնելու մեղքը բարդել հենց ընդդիմության վրա, առավել ևս, որ ինչպես պարզվեց, ոստիկանությունը գրեթե ամբողջ կազմով աջակցում է Նիկոլ Փաշինյանին և նրա խունտային։ Պատճառը, թերևս, պարգևատրումներն են, որով Փաշինյանը շռայլորեն օժտում է իրավապահ համակարգին։
Փաստացի, Հայաստանի Հանրապետությունը վերածվել է ոստիկանապետության, դրանից բխող բոլոր վատ հետևանքներով, իսկ արևմտյան կառույցներն ու իրավապաշտպանները բոլորովին ուշադրություն չեն դարձնում։
Աննա Մինասյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մեղրիին կվերադարձվի 2.1 հա մակերեսով հողամաս․ Սյունիքի մարզի դատախազության հայցը բավարարվել է
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
Տարադրամի փոխարժեքները դեկտեմբերի 27-ին
Արցախ վերադարձի հարցը Փաշինյանի համար փակված է, մեզ համար փակված չէ, կա նոյեմբերի 9-ի փաստաթուղթ, որ...
ՊՆ պաշտոնատար անձինք մեղադրվում են խոշոր չափերի հափշտակության մեջ. նախաքննությունն ավարտվել է