Ինչո՞ւ է կեղծում Ադրբեջանը. հիմքեր են ստեղծում
Վերջին օրերին Ադրբեջանը մի քանի անգամ կեղծ տեղեկություններ է տարածել հրադադարի ռեժիմի խախտումների վերաբերյալ՝ մասնավորապես որպես ուղղություն նշելով Նախիջևանի ուղղությունը։
Ադրբեջանի պաշտպանության նախարարությունը երեք օր նույն բովանդակությամբ հաղորդագրություններ է տարածել՝ հաշվի չառնելով, որ այդ հաղորդագրությունները հերքում է Հայաստանում ԵՄ դիտորդական առաքելությունը, որը երեկ «Իքս»-ում արված գրառման մեջ նշել էր, թե Ադրբեջանի հետ սահմանին որևէ արտառոց շարժում կամ միջադեպ չի գրանցվել։
Ըստ երևույթին Ադրբեջանը ցանկանում է նման հայտարարություններով ոչ թե նոր ռազմական էսկալացիայի հնարավորություն ստեղծել Հայաստանի հետ, Նախիջևանի կամ այլ ուղղությամբ հարձակվելու համար, այլ պարզապես փորձում է սրել ներքաղաքական իրավիճակը Հայաստանում, ինչպես նաև օգտվելով առիթից, ավելի հարմար պայմաններով դելիմիտացիա անելուն պարտադրել Հայաստանի գործող վարչախմբին։
Մեծ հավանականությամբ նման գործողությունները կարող են պայմանավորված լինել նույնիսկ Նիկոլ Փաշինյանի հետ։ Այս հանգամանքը որևէ մեկը չի կարող բացառել։ Ազգային ժողովի պատգամավոր, անվտանգության հարցերով փորձագետ Տիգրան Աբրահամյանի գնահատմամբ՝ չի բացառվում, որ Ադրբեջանն այս քայլին գնում է շտապեցնելու ՀՀ իշխանությանը դելիմիտացիայի հաջորդ փուլն ակտիվացնելու համար։
«Ըստ երկու կողմերից ավելի վաղ հնչող հայտարարությունների՝ հայտնի 4 գյուղերի հանձնումից հետո, պետք է կողմերն աշխատեն հանձնման ենթակա հաջորդ 4 գյուղերի մասով, որից երեքը Տավուշում է, մեկը՝ Տիգրանաշենը, Արարատի մարզում»,- նկատել է Տիգրան Աբրահամյանը՝ հավելելով, որ Ադրբեջանը բնականաբար փորձելու է հնարավորինս արագ Հայաստանից հերթական զիջումները կորզել, որովհետև ավելի հարմար իրավիճակ, քան ՀՀ-ում գործող այս իշխանությունների պայմաններում է, չի էլ կարող պատկերացնել։
Նանե Օհանյան
Փաշինյանը ջանք չի խնայում Հայաստանը Ադրբեջանի պատկերացրած տարածքի վերածելու համար․ Հայրապետյան
Էդողանի դիրքորոշումը՝ պատերազմ հրահրող սիոնիստական ռեժիմը դատապարտելու հարցում գովելի է․ Փեզեշքիան
Գիշերվա նախարար․ ինչու է Արսեն Թորոսյանը մնում Փաշինյանի ամենավստահելի կադրերից. «Ժողովուրդ»
Իրանը հրթիռների վրա փակցրել է Իսպանիայի վարչապետի նկարը, որը հրաժարվել է աջակցել ԱՄՆ-ի հարվածներին
Արցախի հանձնումից հետո պատերազմ հնարավոր է միայն մեկ դեպքում, եթե Նիկոլն ինքը հրահրի այդ պատերազմը
Այսօր «Համահայկական ճակատ» շարժման անդամները` ղեկավար Արսեն Վարդանյանի գլխավորությամբ, Ազգային ժողով...
ԱՄՆ-ն ցանկանում է իր վերահսկողության տակ վերցնել «Հյուսիսային հոսք» գազատարը․ Լավրով
Արմավիրի մարզում «Ford Transit»-ը կամրջից ընկել և հայտնվել է դրա տակ. 2 հոգի տեղափոխվել է հիվանդանոց
Դոլարն էժանացել է․ փոխարժեքն՝ այսօր
Նիկոլ Փաշինյանն ուզում է Սասուն Միքայելյանի վախը բռնել. «Հրապարակ»