ԱԳՆ-ն արձանագրում է խաղաղության օրակարգի լիակատար ձախողումը
Հայաստանի արտգործնախարարությունն արձանագրում է խաղաղության օրակարգի լիակատար ձախողումը։ ԱԳՆ-ն հայտարարություն է տարածել՝ անդրադառնալով Ադրբեջանի նախարարության մեղադրանքին, թե Հայաստանի ղեկավարությունը կրելու է տարածաշրջանում իրավիճակի սրման և պատերազմի նոր օջախի առաջացման ողջ պատասխանատվությունը։
Պաշտոնական Բաքուն այդ կերպ էր արձագանքել ֆրանսիական «Կեսար» թնդանոթներ գնելու հայ-ֆրանսիական գործարքին։
«Ամեն առիթով տարածաշրջանային սրացումներ կանխատեսելու Ադրբեջանի գործելակերպը մտածելու տեղիք է տալիս, գալիս է հիմնավորելու մի շարք կենտրոնների կողմից արված վերլուծությունները, թե Ադրբեջանն ամեն ինչ անելու է վիժեցնելու Հայաստանի հետ խաղաղության համաձայնագիր կնքելու գործընթացը՝ 2024 թվականի նոյեմբերին Բաքվում կայանալիք «Կոպ 29» գագաթաժողովից հետո Հայաստանի նկատմամբ նոր ագրեսիա ձեռնարկելու համար»,- ասված է ԱԳՆ հայտարարության մեջ։
Մի կողմից փաշինյանական իշխանությունը շարունակում է սահամանազատում և սահամանագծում իրականացնել պահանջներին համապատասխան, մյուս կողմից արձանագրում, որ Ադրբեջանը լավ շահագրգռված չէ խաղաղության կնքմամբ, և այժմ միջազգային տարբեր կենտրոններին դիմելու Հայաստանի իշխանությունների նվնվոցը որևէ կերպ լուրջ համարել չի կարելի։
Ի սկզբանե բոլորն էին զգուշացնում, որ Բաքուն մտադիր չէ խաղաղության դաշն կնքել Հայաստանի հետ, ընդհակառակը, օգտվելով նյութական և մարտական առավելությունից, փորձելու է հնարավորինս ավելի շատ պոկել Հայաստանից, այդ թվում այսպես կոչված Զանգեզուրի միջանցքը։
Առայժմ միայն ՄԱԿ կլիմայական համաժողովի՝ Բաքվում անցկացման հնարավորությունն է, որ Ադրբեջանին հետ է պահում ռազմական էսկալացիա սկսելուց, բայց նոյեմբերից հետո այլևս իրավիճակը կփոխվի, և Հայաստանը շահագրգռված է մինչև նոյեմբեր պայմանագիր կնքելու։
Ադրբեջանը բնավ նման շահագրգռություն չի ցուցաբերում, ընդհակառակը, օրեցօր ավելի է սրում իր մոտեցումները և նոր պահանջներ ներկայացնում Հայաստանին։
Սիրան Գաբրիելյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Քաղաքական «մարտեր առանց կանոնների». «Փաստ»
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...