Փաշինյանը նոր հասարակություն է կերտում՝ զուրկ ազգային ինքնությունից
«Քաղաքացիական պայմանագիր» կուսակցությունն իր հերթական ժողովն անցկացրել է ոչ թե Ջերմուկում, ինչպես նախօրոք տարածվել էր մամուլում, այլ՝ Հանքավանում։ ՔՊ մեր աղբյուրի փոխանցմամբ՝ ի սկզբանե հենց այդպես էլ որոշված է եղել, բայց հետքերը շեղելու նպատակով, տեղեկություններ են տարածել, որ հավաքը լինելու է Ջերմուկում, նույնիսկ տասնյակ աշխատակիցներ են ուղարկել Ջերմուկի հյուրանոցներ, որտեղ վերջիններս շրջել են ցուցադրաբար՝ տպավորություն ստեղծելով, թե Փաշինյանը գնալու է այնտեղ։
Արդյունքում հավաքն անցկացրել են Հանքավանում, որտեղ Փաշինյանը չափազանց ուշագրավ ելույթ է ունեցել՝ հերթական անգամ պատասխանատվությունը բարդելով հասարակության և ժողովրդի վրա, հայտարարել է, թե Հայաստանում հերթական ընդդիմադիր շարժումը տապալվեց, որովհետև իրական Հայաստանը որպես գաղափարախոսություն այսօր հաստատվում է Հայաստանում և ընկալվում է ժողովրդի կողմից։
Ավելին, ըստ Փաշինյանի, իր մարդկանց հետ իր անմիջական շփումներից եկել է այն եզրակացության, որ իրական Հայաստանի գաղափարախոսության պատասխանատուն հենց ժողովուրդն է, որը ցանկանում է լավ ապրել։
Իրական և պատմական Հայաստանների կեղծ դիսկուրսը, որ Փաշինյանը վերջին ամիսներին բացել է և փորձում է կերակրել հանրությանը, արդեն թերևս ճաքեր է տալիս և Փաշինյանը փորձում է դրա պատասխանատվությունն էլ բարդել հասարակության վրա, ավելին, համոզել, որ եթե չընդունեն իրական Հայաստանի իր թեզերը, ապա հանրությունը լավ չի ապրելու։
Փաշինյանի ելույթից կարելի է տպավորություն ստեղծել, որ նա նոր հասարակություն ու նոր ազգ է կերտում՝ զուրկ ազգային ինքնությունից, արժանապատվությունից, սեփական իրավունքները գիտակցելուց և անհայրենիք։
Մանե Հունանյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Երբ ջնջվում է... ոգին. «Փաստ»
Քաղաքական «մարտեր առանց կանոնների». «Փաստ»
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան