Ադրբեջանն ակտիվորեն զինվում է Եվրամիության երկրների օգնությամբ
Մինչ Հայաստանի գործող իշխանությունները քննարկում են Եվրամիությանն անդամակցելու հարցով հանրաքվե անելու հնարավորությունները, Ադրբեջանն ակտիվորեն զինվում է նույն այդ Եվրամիության երկրների օգնությամբ։
«Բաքուն և Հռոմը հարաբերությունների նոր էջ են բացում»,- ասել է Ալիևն Իտալիայի պաշտպանության նախարար Գույդո Կրուզետտոյի հետ հանդիպմանը, իսկ իտալացի պաշտոնյան Ադրբեջան էր մեկնել՝ իր հետ տանելով իտալական արտադրության ռազմատրանսպորտային օդանավ։
Բազմաֆունկցիոնալ տրանսպորտային ինքնաթիռը կարող է օգտագործվել տարատեսակ ռազմական խնդիրների և առաջադրանքների կատարման համար՝ ներառյալ բեռների և զորքերի փոխադրում, դեսանտավորում, բժշկական տարհանում։ Այն կարող է փոխադրել մինչև 11,3 տոննա բեռ, կամ՝ մինչև 60 զինվոր։ Սա միակ օդանավը չէ, որ Ադրբեջանը ստանալու է իտալական «Լեոնարդո» ընկերությունից, ևս մեկը սպասվում է առաջիկայում։
2022 թվականից սկսած Ադրբեջանն ու Իտալիան ստորագրել են գործակցության մեծ համաձայնություն։ Իտալիան Եվրոպայում ադրբեջանական գազի խոշոր գնորդներից է, նաև Հունգարիայի հետ միասին լրջորեն աջակցում է Եվրամիությունում Ադրբեջանին՝ առնվազն վերջին դեպքով արգելափակելով խաղաղության եվրոպական մեխանիզմին Հայաստանի հասանելիությունը։
Մի կողմից եվրոպական կառույցներն Ադրբեջանի նախագահին բռնապետ են անվանում, կոչեր հնչեցնում, մյուս կողմից չափազանց հարմարավետ համագործակցում Ալիևի հետ, ինչը վկայում է Արևմուտքի երկերեսայնության փաստը, իսկ Հայաստանի գործող իշխանություններին այդ հանգամանքը թերևս ամենևին չի հետաքրքրում, նրանք շարունակում են ամեն կերպ Հայաստանի հետագա ընթացքը կապել Եվրամիության հետ՝ չհասկանալով, որ մեր երկիրն ընդամենը գործիք են դարձնում գլոբալ առևտրի մեջ։
Անահիտ Թամանյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Երբ ջնջվում է... ոգին. «Փաստ»
Քաղաքական «մարտեր առանց կանոնների». «Փաստ»
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան