Սուրեն Պապիկյանի ու Անդրանիկ Քոչարյանի միջև սև կատու է անցել
Հայաստանի պաշտպանության նախարարության և Ազգային ժողովի պաշտպանության և անվտանգության հարցերի հանձնաժողովի միջև նոր լարվածություն է առաջացել։ Սուրեն Պապիկյանը մտադիր է ամբողջությամբ իր վերահսկողության տակ վերցնել պաշտպանության նախարարությունը՝ հեռացնելով Անդրանիկ Քոչարյանի կողմից ժամանակին առաջարկված և տարբեր պաշտոնների նշանակված զինվորականներին և պաշտոնյաներին։ 2018 թվականի իշխանափոխությունից հետո Քոչարյանը բազմիցս փորձել է իր ազդեցությունը առավելագույնս տարածել պաշտպանության նախարարության վրա։
Մի քանի անգամ էլ Փաշինյանին առաջարկել է իրեն պաշտպանության կամ ներքին գործերի նախարար նշանակել, բայց վերջինիս նկատմամբ բավականին լուրջ անվստահություն կա, հենց բուն «Քաղպայմանագրում» կարծում են, որ Քոչարյանն ավելի շատ վտանգ է ներկայացնում Փաշինյանի իշխանության համար, քան անգամ ընդդիմությունը և Անդրանիկ Քոչարյանի ազդեցությունը պաշտպանության նախարարությունում մեծապես տարածվել է նրա նշանակած տարբեր մտերիմների միջոցով։
ՔՊ մեր աղբյուրի փոխանցմամբ Պապիկյանն առաջին հերթին մտադիր է ազատվել ռազմական ոստիկանության պետ, վերջերս գեներալ մայորի կոչում ստացած Աշոտ Զաքարյանից։ Վերջինս նախարարությանն առնչվող գրեթե ողջ տեղեկատվությունը փոխանցում է Անդրանիկ Քոչարյանին և վերջինս դրանք օգտագործում է իր սեփական նկրտումների համար։
Չի բացառվում, որ առաջիկայում Քոչարյանը ևս սկսի քննադատել պաշտպանության նախարարությանը և հանձնաժողովի տարբեր նիստերում բավականին կոշտ դրսևորումներ լինեն։ Սուրեն Պապիկյանն արդեն ամիսներ շարունակ ԱԺ պաշտպանության և անվտանգության հարցերի հանձնաժողովի նիստերին հրաժարվում է մասնակցել՝ ուղարկելով իր տեղակալներին, ինչը, ըստ մեր աղբյուրի, լարվածության ևս մեկ դրսևորում է։
Մանան Ավագյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան
Քաղաքական «մարտեր առանց կանոնների». «Փաստ»
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...