ԱՄՆ-ում գտնվող շքեղ առանձնատունը կխլե՞ն
Պետեկամուտների կոմիտեի նախկին ղեկավար Գագիկ Խաչատրյանի՝ ԱՄՆ Լոս Անջելես քաղաքում գտնվող առանձնատունը կբռնագրավվի և ամենաբարձր շուկայական արժեքով կվաճառվի։
Գլխավոր դատախազությունը հայտնել է, թե հարուցված քրեական գործի շրջանակներում Գլխավոր դատախազության և ԱՄՆ իրավասու մարմինների միջև արդյունավետ համագործակցության արդյունքում՝ ԱՄՆ իրավասու դատարանի որոշմամբ հանցավոր ծագում ունեցող գույք դիտարկվող՝ ՀՀ ֆինանսների նախկին նախարար Գագիկ Խաչատրյանի ընտանիքին պատկանող ԱՄՆ Լոս Անջելեսում գտնվող առանձնատունը կբռնագրավվի և ամենաբարձր շուկայական արժեքով կվաճառվի։
Նշվում է, որ առանձնատան վաճառքի արդյունքում ստացված դրամական միջոցների գերակշիռ մասը Հայաստանին վերադարձնելու հարցի շուրջ Գլխավոր դատախազության և ԱՄՆ իրավասու մարմնի միջև բանակցություններ են ընթանում: Համապատասխան դատական գործընթաց էր նախաձեռնվել նաև ԱՄՆ իրավասու մարմինների կողմից։
Արդյունքում, հունիսի 14-ին Գուրգեն և Արտյոմ Խաչատրյանները, որոնց պատկանող գույքն անցնում է նաև ապօրինի ծագում ունեցող գույքի բռնագանձման վարույթներով, ԱՄՆ շրջանային դատարան էին ներկայացրել գույքի բռնագրավման կապակցությամբ համաձայնություն ձեռք բերելու խնդրանք:
Դատարանի` հունիսի 30-ի որոշմամբ՝ համաձայնությունը հաստատվել է: Առանձնատունն այսօր էլ վաճառքի է դրված՝ մոտ 39 մլն դոլարով։ Ավելի վաղ այն վաճառվում էր 63 մլն դոլարով, բայց գինն աստիճանաբար նվազեցվել է։
Կառգրավե՞ն արդյոք այդ առաձնատան վաճառքից գոյացած միջոցները, կփոխանցե՞ն ՀՀ բյուջե, դեռ վաղ է ասել։
Հայկական կողմը ոչ միայն Խաչատրյանների ունեցվածքի մասով է տեղեկություններ փոխանցել ԱՄՆ իրավասու մարմիններին։ Վերջերս Հայաստան այցելած ԱՄՆ ՀԴԲ պատվիրակության հետ քննարկել են նման հարցերը, մի ամբողջ թղթապանակ փոխանցել ամերիկյան կողմին՝ բռնագանձումներ անելու համար։
Մանե Երիցյան
Կյանքից հեռացել է 18-ամյա Ալեքսանդր Ղազարյանը․ ծնողը մեղադրում է հայաստանյան կրթական, բժշկական և հան...
Ողբերգական ավտովթար՝ Սյունիքի մարզում. բախվել են 2 «Mercedes Sprinter»-ը. վարորդներից մեկը մահացել է
Միջնորդություն է ներկայացվել ԿԸՀ՝ Թևանյանի նկատմամբ հետապնդում հարուցելու համաձայնություն ստանալու
Հանրապետության հրապարակում ռոբոտ շներ ցուցադրվեցին
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
Երևանում և մարզերում լույս չի լինի. հասցեներ
Մյասնիկյան պողոտայում բախվել են 2 «BMW» և «Hyundai Elantra»-ն. վերջինն էլ բախվել է ծառին. կա վիրավոր
Նեթանյահուն աշխարհի մուսուլմաններից շուտով կստանա իրեն հասանելիք դասը․ Էրդողան
Դիմակավորված անձինք ներխուժել են ԱԺ պատգամավոր Մարտուն Գրիգորյանի տուն