ՌԴ-ում առաջարկվող խստացումները կազդեն նաև հայերի վրա
Ռուսաստանի քննչական կոմիտեն միգրացիոն օրենսդրությունը խստացնելու առաջարկներ է ուղարկել Պետդումա։ Մասնավորապես, առաջարկվում է ընդլայնել քաղաքացիություն չտրամադրելու հիմքերը, ծանրացուցիչ հանգամանք դարձնել Ռուսաստանում ապօրինի գտնվող օտարերկրացիների կողմից հանցագործության կատարումը։ Քննչական կոմիտեն նաև միջոցներ է մշակում ներգաղթյալների նկատմամբ վերահսկողությունն ուժեղացնելու համար։
Պետդումայի նախագահ Վյաչեսլավ Վոլոդինն իր հերթին հայտնել է, որ ներգաղթի վերահսկողության կարգավորումների ուղղությամբ ներկայումս Պետդումայում 25 օրինագծեր կան։
Հաջորդ շաբաթ երկրորդ ընթերցմամբ ընդունելու համար քննարկվելու է անօրինական միգրանտներին արտաքսելու ռեժիմի մասին օրինագիծը։ Թեև Ռուսաստանում հայտարարում են, թե միգրացիոն կանոնները կտրուկ խստացվում են «Կրոկուս սիթի» համերգասրահում անցած մարտին տեղի ունեցած ահաբեկչական գործողությունից հետո, բայց, ըստ վերլուծաբանների, Մոսկվան վաղուց էր խստացումներ ծրագրում՝ հաշվի առնելով Ուկրաինայում ծավալվող իրադարձությունները։ Ռուսաստանը ռազմաճակատ նորակոչիկներ ուղարկելու խնդիր ունի։
Օրեր առաջ Ռուսաստանի քննչական կոմիտեի ղեկավար Ալեքսանդր Բաստրիկինն ասել էր, որ Ռուսաստանի քաղաքացիություն ստացած միգրանտներից ավելի քան 30 հազարը վերցված են հաշվառման, և արդեն շուրջ 10 հազարն ուղարկվել են «հատուկ ռազմական գործողության» գոտի։
Միգրանտների նկատմամբ խստացումներն ազդելու են նաև ՌԴ արտագնա աշխատանքի մեկնող հայաստանցիների վրա, ինչն էլ շղթայական ռեկացիայով տնտեսական բացասական հետևանքներ կունենա Հայաստանի համար։ Հատկապես, որ վիճակագրական կոմիտեի տվյալներով, տրանսֆերտները սկսել են նվազել:
Սոնա Մուրադյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան
Քաղաքական «մարտեր առանց կանոնների». «Փաստ»
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...