Ադրբեջանը Հայաստանին հրավիրել է՝ նվաստացնելո՞ւ
Ադրբեջանը Հայաստանին հրավիրել է՝ մասնակցելու Բաքվում նոյեմբերին կայանալիք COP29 գագաթնաժողովին։ Ադրբեջանի նախագահի օգնական Հիքմեթ Հաջիևը Շուշիում կայացած համաժողովում հայտարարել է, թե պաշտոնական հրավերն արդեն ուղարկել են Հայաստան, սպասում են ՀՀ կառավարության պատասխանին։
Պնդելով, որ խաղաղության պայմանագրի հասնելու համար հարկավոր է փոխել Հայաստանի Սահմանադրությունը՝ Հաջիևն ասել է, որ Ադրբեջանը Հայաստանին առաջարկել է համաձայնեցնել խաղաղության պայմանագրի հիմնարար սկզբունքները նախքան լայնածավալ պայմանագրի կնքումը։
«Այդ սկզբունքների ներդաշնակեցումը կարող է բարիդրացիական հարաբերություններ հաստատել երկու երկրների միջև», - ասել է ադրբեջանցի պաշտոնյան` հավելելով, որ կողմերը դրանց շուրջ կարող են համաձայնության գալ մինչև նոյեմբերին Բաքվում կայանալիք COP29-ը։
Հայաստանից առայժմ չեն մեկնաբանում ոչ նոյեմբերին կայանալիք համաժողովին մասնակցելու, ոչ առաջարկվող փաստաթուղթը ստորագրելու հնարավորությունը։ «Հարցին անդրադարձ լինելու պարագայում կտեղեկացնենք»,- արձագանքել է ՀՀ ԱԳՆ մամուլի խոսնակը։
Ցանկացած պարագայում Բաքու մեկնելն ու ինչ-որ փաստաթուղթ տեղում ստորագրելը նվաստացուցիչ կլինի Հայաստանի համար։ Ադրբեջանն այդկերպ ցույց է տալու, որ Հայաստանը կապիտուլացվեց, այն էլ Բաքվում։ Իսկ նման զարգացումներից հետո արդեն նոր ռազմական էսկալացիա սկսելը խաղուպար է լինելու Ադրբեջանի համար։
Կգնա՞ Նիկոլ Փաշինյանը նման նվաստացման, Հայաստանի գլխին նոր վտանգներ բերելուն, բարդ է ասել։ Անցած իրողությունները վկայում են, որ Փաշինյանին մտահոգում է միայն սեփական աթոռը, և դեմ չի լինի այդ աթոռը պահել՝ ընդդհուպ Ադրբեջանի աջակցությամբ։
Գայանե Սահակյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան
Քաղաքական «մարտեր առանց կանոնների». «Փաստ»
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...