ՌԴ ԱԳՆ-ն հայտնել է Մոսկվայի և Թեհրանի միջև սպասվող «պատմական իրադարձության» մասին

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ռուսաստանի և Իրանի ներկայացուցիչներն ավարտել են համապարփակ ռազմավարական գործընկերության համաձայնագրի նախապատրաստումը. «պատմական ստորագրումը» տեղի կունենա շուտով։ Այս մասին, ինչպես գրում է iz.ru-ն, երեքշաբթի հայտարարել է ՌԴ փոխարտգործնախարար Անդրեյ Ռուդենկոն։

«Երկու երկրի արտաքին գործերի նախարարությունների իրավական և տարածքային գերատեսչությունների փորձագետների շատ արդյունավետ խորհրդակցությունների ընթացքում, որոնք տեղի են ունեցել Մոսկվայում հունիսի 21-ին, հնարավոր եղավ վերջնական տեսքի բերել համաձայնագրի տեքստը»,- ասել է դիվանագետը։

Փոխնախարարը հավելել է, որ խորհրդակցություններից հետո պայմանավորվածություններ են ձեռք բերվել ամենաբարձր մակարդակով ամենասերտ երկկողմ շփումներից մեկի շրջանակում համաձայնագրի ստորագրումը նախապատրաստելու ներքին ընթացակարգեր սկսելու վերաբերյալ։

«Մենք հուսով ենք, որ մոտ ապագայում ականատես կլինենք այս իսկապես պատմական իրադարձությանը», - եզրափակել է Ռուդենկոն:

Ավելի վաղ՝ հուլիսի 16-ին, ՌԴ ԱԳ նախարար Սերգեյ Լավրովը Իրանի արտգործնախարարի պաշտոնակատար Ալի Բաղերի-Քյանի հետ հանդիպման ժամանակ քննարկել էր տնտեսական ու տարածաշրջանային հարցեր։ Հաստատվել էր երկու երկրների մտադրությունը՝ էլ ավելի ամրապնդել հարաբերությունների ողջ շրջանակը՝ հասնելով համապարփակ ռազմավարական գործընկերության որակապես նոր մակարդակի։