Արգելե՛լ ամերիկյան բանակի ներկայացուցչի մուտքը Հայաստանի Պաշտպանության նախարարություն. Խաչիկ Ասրյան
Խաչիկ Ասրյանը ֆեյսբուքյան իր էջում գրել է.
Արգելե՛լ ամերիկյան բանակի ներկայացուցչի մուտքը
Հայաստանի Պաշտպանության նախարարություն
Հայաստանում սույն թվականի հուլիսի 15-ին մեկնարկած հայ-ամերիկյան համատեղ «Արծիվ գործընկեր-2024» անունը կրող զորավարժությունների ավարտից հետո՝ հուլիսի 21-ին, ԱՄՆ եվրոպական հրամանատարությունը X-ի իր միկրոբլոգում, ամփոփելով զորավարժությունները, գրել է. «Այս շաբաթ ԱՄՆ-ի և Հայաստանի զինծառայողներն «Արծիվ գործընկեր-2024» ծրագրի շրջանակներում անցկացրեցին զանգվածային անկարգությունների դեմ պայքարի և զենքին ծանթանալու վարժանքներ»:
«Հայոց Արծիվներ․ Միասնական Հայաստան» կուսակցությունը, ով մշտապես կանգած է Հայոց Ազգային Բանակի կողքին և, հարկ եղած դեպքում, միշտ մասնակցել է Հայոց Հայրենիքի պաշտպանության սուրբ գործին, անթույլատրելի և դատապարտելի է համարում Հայոց Ազգային Բանակի, նրա սպաների և զինվորների ներգրավումը Հայաստանի ներքաղաքական գործընթացներին, ինչպիսին կարող է համարվել «պայքարը մասսայական անկարգությունների դեմ», առավել ևս՝ դատապարտում է փորձերը՝ հայ զինվորին սովորեցնելը զենք կիրառել սեփական ժողովրդի դեմ, ինչը տեղավորվում է ամերիկացիների կողմից ակնարկվող «զենքին ծանոթանալու» հասկացության տակ: Հայոց զինվորականն իր զենքն ու իր ուժը միշտ կիրառել և կիրառելու է բացառապես Հայաստանի և Հայ ժողովրդի թշնամիներին զսպելու և այդ թշնամիներին ոչնչացնելու նպատակով:
Կոչ ենք անում Հայաստանի Պաշտպանության նախարարությանը և Հայաստանի Զինված Ուժերի գլխավոր շտաբին՝ դադարեցնե՛լ ցանկացած տեսակի համագործակցություն ամերիկյան կողմի հետ, որն ուղղված կլինի Հայոց Ազգային Բանակի և հայ զինվորականության բարի համբավի վարկաբեկմանն ու արատավորմանը: Կոչ ենք անում արգելե՛լ ամերիկյան բանակի ներկայացուցչի մուտքը Հայաստանի Պաշտպանության նախարարություն, որի նշանակման մասին պաշտոնապես հայտարարվեց ԱՄՆ պետքարտուղարի տեղակալի՝ Հայաստան կատարած այցի ընթացքում: Հայաստանի ռազմավարական, ռազմաքաղաքական դաշնակիցը եղել և մնում է բարեկամ Ռուսաստանը, և միայն Հայաստան-Ռուսաստան դաշնակցային հարաբերությունների ամրապնդման և զարգացման միջոցով է հնարավոր ապահովել Հայաստանի պաշտպանությունն ու անվտանգությունը, այդ թվում՝ Հայաստանի թշնամիներ և՛ Թուրքիայի, և՛ Ադրբեջանի ռազմավարական դաշնակից ԱՄՆ-ից:
«Հայոց Արծիվներ. Միասնական Հայաստան» կուսակցության Նախագահ,
«Հայոց Արծիվներ» կամավորական մարտական ջոկատի Հրամանատար,
Արցախյան, Ապրիլյան, 44-օրյա պատերազմների մասնակից,
«Մարտական Խաչ» 1-ին աստիճանի շքանշանակիր,
Գնդապետ Խաչիկ Ասրյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան
Քաղաքական «մարտեր առանց կանոնների». «Փաստ»
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...