Սենսացիոն բացահայտում նախկին ԱԳ նախարարից
Հայաստանի նախկին արտգործնախարար, Նիկոլ Փաշինյանի օրոք, պատերազմից հետո պաշտոնավարած Արա Այվազյանը սենսացիոն բացահայտում է արել, պնդել, որ ինչ-որ փաստաթուղթ է ստորագրվել Գորիս-Կապան ճանապարհը և Սյունիքի Շուռնուխ գյուղի մի հատվածն Ադրբեջանին փոխանցելու մասին, բայց ԱԳՆ-ն այդ մասին տեղյակ չի եղել։
Հիշեցնենք, 2020 թվականի դեկտեմբերից Ադրբեջանին անցավ Գորիս-Կապան ճանապարհը, և արդեն 2021-ի հունվարին Ադրբեջանին նաև փոխանցվեց Շուռնուխ գյուղի մի մասը։ Ըստ նախկին նախարարի, Անվտանգության խորհրդի նիստում քննարկումներ եղել են, բայց Ադրբեջանի հետ հուշագրի ստորագրման մասին տեղյակ են եղել միայն կառավարությունում և պաշտպանության նախարարությունում։ Ըստ Այվազյանի, երբ պարզվել է հուշագրի փաստը, ԱԳՆ-ից դիմել են այդ փաստաթուղթը ստանալու, և ՊՆ-ն չի տրամադրել։
Փաստաթուղթը հայկական կողմից ստորագրել է պաշտպանության նախկին նախարար, ներկայումս ՌԴ-ում ՀՀ դեսպան Վաղարշակ Հարությունյանը։ Տևական ժամանակ կառավարությունը հրաժարվում էր հաստատել այդ տեղեկությունը՝ հասկանալով, որ դա քրեորեն հետապնդելի արարք է և, ի վերջո, Նիկոլ Փաշինյանն ու Վաղարշակ Հարությունյանն անձնական պատասխանատվություն են կրում ՀՀ ինքնիշխան տարածքից առանց հանրաքվեի Ադրբեջանին նվիրելու համար։
Ի դեպ, Վաղարշակ Հարությունյանի հրամանով էին ռուս խաղաղապահները ժամանակավոր տեղակայման կետեր ստեղծել Հայաստան-Ադրբեջան սահմանին, իսկ Փաշինյանը տարիներ անց պնդում էր, թե որևէ փաստաթուղթ չկա այդ կապակցությամբ։
Էրիկ Հունանյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան
Քաղաքական «մարտեր առանց կանոնների». «Փաստ»
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...