Փաշինյանը մեկնել է Իրան
ՀՀ վարչապետի պաշտոնը զբաղեցնող Նիկոլ Փաշինյանն այսօր աշխատանքային այցով մեկնել է Իրան, մասնակցելու Իրանի նախագահի պաշտոնում ընտրված Մասուդ Փեզեշքիանի երդմնակալության արարողությանը։
Փաշինյանն արդեն հանդիպել է Փեզեշքիանի հետ, որը հայտարարել է, թե Իրանի համար առանցքային նշանակություն ունի տարածաշրջանում խաղաղության պահպանումը, իսկ իրանական կողմն անհրաժեշտ է համարում բոլոր հարցերը երկխոսության միջոցով կարգավորելը։ Կիրակի օրն Իրանի գերագույն առաջնորդ Այաթոլլա Ալի Խամենեին պաշտոնապես հաստատեց Մասուդ Փեզեշքիանին որպես նոր նախագահ և ուղղորդեց նրան կենտրոնանալ Իրանի հարևանների, այլ ոչ թե արևմտյան երկրների հետ հարաբերությունների զարգացման վրա:
69-ամյա Փեզեշքիանն հուլիսի 6-ին կայացած ընտրությունների երկրորդ փուլում հավաքեց ընտրողների ձայների ավելի քան 53՝ դառնալով Իրանի հաջորդ նախագահը։ Արտահերթ նախագահական ընտրություններն Իրանում նշանակվեցին նախագահ Էբրահիմ Ռայիսիի՝ ավիավթարի հետևանքով զոհվելուց հետո։ Հունիսի 28-ին անցկացված առաջին փուլում թեկնածուներից և ոչ մեկը քվեների մեծամասնությունը չէր ստացել։
Փեզեշքիանը ռեֆորմիստական ուղղության ներկայացուցիչ է, որի հետ հնարավոր է լեզու գտնել տարբեր հարցերում։
Հայաստանն այժմ պետք է առավել ինտենսիվ աշխատի Թեհրանի հետ, առաջ մղի սեփական շահերը, նաև լոգիստիկ նոր հնարավորությունների պատուհան բացի։ Կկարողանա՞ դա անել Փաշինյանի ապիկար իշխանությունը, բարդ է ասել։
Հայկուհի Համբարձումյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան
Քաղաքական «մարտեր առանց կանոնների». «Փաստ»
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...