Ռուս զբոսաշրջիկների հոսքը դեպի Հայաստան նվազել է
Ռուս զբոսաշրջիկների հոսքը դեպի Հայաստան այս տարվա առաջին կիսամյակում նվազել է 17 տոկոսով կամ գրեթե 90 հազարով։ Եթե 2023 թ. առաջին կիսամյակում Հայաստան է այցելել 545 հազար ռուսաստանցի, ապա այս տարվա նույն ժամանակահատվածում՝ 452 հազար։ Ռուսաստանի անվտանգության դաշնային ծառայության հրապարակած տվյալների համաձայն, նվազում արձանագրվել է միայն Հայաստանում և Ղազախստանում (9 տոկոս):
Փոխարենը 26 և 31 տոկոսով աճել է ռուսաստանցիների ուղևորահոսքը դեպի Ադրբեջան և Վրաստան։ 9 տոկոսով էլ աճել է զբոսաշրջիկների հոսքը դեպի Թուրքիա, որը վաղուց դարձել է ռուսների թիվ մեկ սիրելի հանգստավայրը։
Ռուս զբոսաշրջիկների թվի նվազումը տնտեսական բացասական հետևանքներ կարող է ունենալ։ Յուրաքանչյուր ռուս զբոսաշրջիկ միջինում 1000 դոլար է ծախսում Հայաստանում։ Կես տարում նման ահռելի կորուստը զգալի հետևանքներ կունենա հյուրանոցային և ռեստորանային բիզնեսի համար։
Ըստ մեր աղբյուրների, նույնիսկ ամռան ամենապիկ ամիսներին հայաստանյան հյուրանոցներում և ռեստորաններում վաճառքներն ընկել են։ Զբոսաշրջիկների թվի նվազման վրա մի շարք գործոններ են ազդում, թե՛ քաղաքական, թե՛ տնտեսական։ Առաջին հերթին, ինչպես զգուշացնում էին բազմաթիվ վերլուծաբաններ, զբոսաշրջիկների թվի նվազման վրա ազդում է ռուսական «Միր» քարտերի սպասարկումը դադարեցնելու հայաստանյան բանկերի միահամուռ որոշումը։
Ամերիկյան պատժամիջոցների տակ չհայտնվելու համար բանկերն այդպիսի քայլի գնացին, բացառությամբ «ՎՏԲ-Հայաստան»-ի, որը ռուսական բանկի դուստր-ձեռնարկություն է, և առանց այդ որոշման էլ արևմտյան պատժամիջոցների տակ է գտնվում։ Ազդում է նաև հյուրանոցների և ռեստորանների թանկացումը զբոսաշրջիկների համար, իսկ գումար ունեցող ռուսաստանցին նախընտրում է հանգիստը վայելել ավելի էժան և հարմար տարբերակով։
Մերի Բադալյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան
Երբ ջնջվում է... ոգին. «Փաստ»
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...