Կիսահերքում երկու շաբաթ անց
Մինչ մամուլը, ընդդիմադիր պատգամավորներն ու Կիրանցի մի շարք բնակիչներ օրեր շարունակ հայտարարում են, թե Հայաստանի և Ադրբեջանի սահմանապահների միջև Կիրանցում նոր ճանապարհի երթուղու հետ կապված միջադեպեր են եղել, Ազգային անվտանգության ծառայությունը միայն երկու շաբաթ անց բարեհաճել է կիսատ հերքում տարածել, նշել, թե որևէ միջադեպ չի եղել։
Օրեր առաջ Կիրանցի նոր ճանապարհը բացվեց, իսկ կամուրջը և ճանապարհի մի զգալի հատվածը մնացին ադրբեջանական վերահսկողության տակ։ Ավելին, ոչ միայն Կիրանցը, այլև Տավուշի այլ գյուղեր հայտնվել են թշնամու ուղիղ նշանառության տակ, իսկ դա արդեն անվտանգային և հոգեբանական լուրջ խնդիր է, նպաստելու է արտագաղթին այդ գյուղերից։
Փաշինյանական վարչախումբն իրեն բնորոշ ցինիզմով շարունակում է կատարել ադրբեջանցիների բոլոր պահանջները, իսկ գյուղացիների դժգոհություններին անձամբ Նիկոլ Փաշինյանն է պատասխանում ծաղրալից հայտարարություններով։
Ադրբեջանցիներն էլ հաճախ լեզվակռիվ ու քաշքշուկ են սարքում, ըստ բնակիչների, հայտարարում, թե ճանապարհը սխալ է կառուցվել, այս կամ այն տարածքն իրենցն է։ Ակնհայտ էր ի սկզբանե, որ սահմանազատման ու սահմանագծման գործընթացը նույնսիկ ադրբեջանցիների բոլոր պահանջների լիակատար կատարմամբ, չի կարող խաղաղություն բերել տարածաշրջանին։
Ընդհակառակը, Բաքուն ամեն ջանք գործադրելու է՝ իրավիճակը կրկին սրելու, ռազմական էսկալացիա իրականացնելու համար։ Իսկ Փաշինյա՞նը... Իսկ Փաշինյանը «Կեցցե հեծանիվը» գոռալով մատը մատին չի տալիս ՀՀ շահերն առաջ տանելու համար։
Հռիփսիմե Մանուկյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան
Երբ ջնջվում է... ոգին. «Փաստ»
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...