Տարածաշրջանում իրավիճակը եռում է
Իրանն ակտիվորեն պատրաստվում է պատասխան հարված հասցնել Իսրայելին և մոբիլիզացնում է իր բոլոր հնարավորությունները։ Լիբանանում, Եմենում, Իրաքում իր դաշնակիցներից բացի պաշտոնական Թեհրանը դիմել է նաև Ռուսաստանին՝ խնդրելով ՀՕՊ համակարգեր․ նրանք պատրաստվում են Իսրայելի հետ հնարավոր պատերազմին:
New York Times-ի աղբյուրները հայտնել են, որ Ռուսաստանն արդեն սկսել է առաջադեմ ռադարների և հակաօդային պաշտպանության սարքավորումների մատակարարումը։ Օրեր առաջ էլ Թեհրան էր մեկնել Ռուսաստանի անվտանգության խորհրդի քարտուղար Սերգեյ Շոյգուն, հանդիպել էր Իրանի նորընտիր նախագահ Մասուդ Պեզեշկիանի, ազգային անվտանգության խորհրդի քարտուղար Ալի Աքբար Ահմադիանի, ինչպես նաև ԶՈւ գլխավոր շտաբի պետի հետ։
Ու թեպետ առերևույթ ռուսական կողմից խաղաղասիրական հայտարարություններ են հնչում, ակնհայտ է, որ ստեղծված նոր իրավիճակը ձեռնտու է նաև Մոսկվային, որը իրեն է կապում Մերձավոր Արևելքի առաջատար և ուժեղ երկրներից մեկին՝ Իրանին։ Շոյգուն վերադարձի ճանապարհին այցելել է Բաքու, հանդիպում ունեցել Իլհամ Ալիևի հետ։
Բանակցություններից հետո Շոյգուն լրագրողներին ասել է, որ քննարկվել է հարցերի ամենալայն շրջանակ, առաջին հերթին՝ Հարավային Կովկասի անվտանգությունը:
«Դա Հայաստանի հետ խաղաղության համաձայնագիրն է, որի տասերորդ խմբագրումը փոխանցվել է Երևանին և, իհարկե, այդ գործընթացին Արևմուտքի միջամտության շատ ակտիվ փորձերը»,–ասել է Շոյգուն:
Այսինքն, Ռուսաստանը ցույց է տալիս, որ նախկինի պես, դեռ մի բան էլ ավելի շահագրգռված է Հարավային Կովկասի զարգացումներով և Մոսկվայի ներգրավվածությամբ, իսկ հարցերն էլ քննարկում է ոչ թե դեպի Արևմուտք գլխապատառ սլացող ՀՀ ապիկար վարչախմբի, այլ Ադրբեջանի հետ։
Տարածաշրջանի բուռն զարգացումները լրջագույն վտանգներ են պարունակում Հայաստանի համար։ Թե ինչո՞վ են զբաղված ՀՀ իշխանավորները, ասելու իմաստ էլ չկա։
Վարդուհի Արամյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան
Երբ ջնջվում է... ոգին. «Փաստ»
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...