ԱՄՆ-ի, Եգիպտոսի, Կատարի ղեկավարները համատեղ հայտարարությամբ դիմել են Իսրայելին և ՀԱՄԱՍ-ին
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Եգիպտոսի, Կատարի և ԱՄՆ-ի ղեկավարներն Իսրայելին և պաղեստինյան ՀԱՄԱՍ շարժմանը կոչ են արել օգոստոսի 15-ին Դոհայում կամ Կահիրեում վերսկսել Գազայի հատվածում հրադադարի շուրջ բանակցությունները։ Այս մասին ասված է Կատարի էմիր շեյխ Թամիմ բեն Համադ Ալ Թանիի, Եգիպտոսի նախագահ Աբդել Ֆաթահ աս Սիսիի և ԱՄՆ նախագահ Ջո Բայդենի համատեղ հայտարարության մեջ։
«Մենք երկու կողմերին կոչ ենք անում օգոստոսի 15-ին վերսկսել հրատապ բանակցությունները Դոհայում կամ Կահիրեում, որպեսզի լրացվեն մնացած բացերը և համաձայնագրի իրականացումը սկսվի առանց որևէ հետաձգման», - ասվում է հայտարարության մեջ:
Միջնորդները հայտարարել են Գազայում հրադադարի և իսրայելցի պատանդների ազատ արձակման վերաբերյալ համաձայնագրի վերջնական նախագիծ ներկայացնելու պատրաստակամության մասին։ Փաստաթուղթը հիմնված է Բայդենի կողմից առաջ քաշված և ՄԱԿ-ի Անվտանգության խորհրդի 2735 բանաձևով աջակցվող սկզբունքների վրա։
«Մենք երեքս և մեր թիմերը մի քանի ամիս ջանասիրաբար աշխատել ենք շրջանակային համաձայնության հասնելու համար, որը ներկայումս բանակցությունների փուլում է և միայն անհրաժեշտ է վերջնական տեսքի բերել իրականացման մանրամասները:Որպես միջնորդներ՝ մենք պատրաստ ենք, անհրաժեշտության դեպքում, ներկայացնել վերջնական առաջարկ՝ իրականացման հետ կապված առկա խնդիրները լուծելու այնպես, որ բավարարի բոլոր կողմերի ակնկալիքները»,- ընդգծել են երեք երկրների ղեկավարները։
Մայիսի 31-ին Բայդենը հայտարարել էր Գազայի հատվածում խաղաղ կարգավորման վերաբերյալ նոր համաձայնագրի նախագծի պայմանները, որը բաղկացած է երեք փուլից։ Առաջինը նախատեսված է վեց շաբաթվա համար և ներառում է կրակի ամբողջական դադարեցում, իսրայելական զորքերի դուրսբերում բնակեցված շրջաններից, պատանդների ազատում ՀԱՄԱՍ շարժման կողմից՝ իսրայելական բանտերից հարյուրավոր պաղեստինցի բանտարկյալների ազատ արձակման դիմաց: Այս ընթացքում կողմերը պետք է սկսեն բանակցությունները, և հրադադարը կգործի մինչև փոխըմբռնման հասնելը։ Երկրորդ փուլը ներառում է բոլոր պատանդների, այդ թվում՝ զինվորականների ազատ արձակումը։ Երրորդ փուլը Գազայի հատվածի վերականգնումն է և զոհված իսրայելցիների աճյունների փոխանցումը հարազատներին։
«Համահայկական ճակատ» շարժման անդամ Աննա Ղուկասյանի գրառումը Գնդապետ Արտակ Ղազարյանի մասին
Եթե շարունակենք ժողովրդին բաժանել սևերի ու սպիտակների, դրանից ոչինչ չենք շահի. Արեգ Սավգուլյան
Մեր երկրի պատմությունը շատ դաժան է եղել, բայց շնորհիվ մեր ամուր գենետիկ կոդի` մենք ունենալու ենք լավ...
Վարկային և քրեական համաներում՝ հանուն սոցիալական արդարության․ Հրայր Կամենդատյան
Եղել են նաև երեխաների մահվան դեպքեր. ի՞նչ գործնական, կիրառական նշանակություն կարող է ունենալ ատենախո...
Գիտելիք և փորձ՝ հանուն էներգետիկայի ոլորտի զարգացման. վերապատրաստվել է 70 մասնագետ
Կուռթանի բնակիչը` Ուժեղ Հայաստանի անդամների հետընտրական այցի մասին
Ինչո՞ւ է Բաքվի թիրախում հայտնված հայտնի գործարարը հալածվում իշխանությունների կողմից. «Փաստ»
Մոսկվայում բողոքի ձայն են բարձրացրել ի պաշտպանություն Հայաստանի քաղբանտարկյալների. «Սփյուռքը չի լռել...
«Ողորմություն խնդրողի» կեցվածքով պետություն չես պահի. «Փաստ»