Մենք կորցրեցինք մեր բարեկամներին, բայց նոր բարեկամներ ձեռք չբերեցինք․ Արշակ Կարապետյան
Հարավային Կովկասում Ռուսաստանի և ԱՄՆ հակամարտությունը գնալով ավելի լուրջ դրսևորումներ է ստանալու։ Հատկապես այսօր, երբ Վաշինգտոնը ավելի ու ավելի շատ է փորձում ներգրավվել մեր տարածաշրջանում, իսկ հայ-ամերիկյան զորավարժություններից, ՊՆ-ում ամերիկյան խորհրդական նշանակելուց հետո լուրեր են շրջանառվում, որ ամերիկյան կողմը կարող է ներկայություն ունենալ նաև Սյունիքում։
ՌԴ ԱԳՆ ներկայացուցիչ Մարիա Զախարովան անդրադարձել է ՄԱՆ փոխպետքարտուղարի հայտարարություններին՝ դրանք վտանգավոր համարելով։ Եվրոպայի ու Եվրասիայի հարցերով փոխպետքարտուղար Ջեյմս Օ’Բրայենը հուլիսի 30-ին հայտարարել էր՝ Միացյալ Նահանգները պայմաններ է ստեղծում, որ Հայաստանն ավելի հեռանա Ռուսաստանից։
«Հայաստանը տնտեսապես ու էներգետիկ առումով գրեթե ամբողջությամբ կախված է Ռուսաստանից։ Մենք պետք է դիվերսիֆիկացնենք այն՝ Փաշինյանի գլխավորությամբ հնարավոր դարձնելով կատարել այն խիզախ քայլերը, որոնք նրանց կհեռացնեն Ռուսաստանից: Մոսկվան երաշխավորել էր Հայաստանի անվտանգությունը 2020-ի պատերազմից հետո: Եվ անվտանգության ապահովումը ձախողվեց, երբ Ադրբեջանը վերցրեց Լեռնային Ղարաբաղի շրջակա տարածքը: Դրանից հետո Հայաստանի բնակչության մեծ մասը ցանկանում է ավելի հեռանալ Ռուսաստանից: Հետևաբար, մենք ստեղծում ենք պայմաններ, որ դա տեղի ունենա»,- ասել էր Օ’Բրայենը։ Մարիա Զախարովան ասել է, որ Ռուսաստանի և Հայաստանի միջև ձևավորված դարավոր կապերը կդիմանան բոլոր փորձություններին, որոնց ենթարկում է Արևմուտքը։
«Ինչ վերաբերում է Օ՛Բրայենի անհիմն հայտարարություններին, թե Հայաստանը ցանկանում է երես թեքել Ռուսաստանից, սա ամերիկացիներին բնորոշ աշխարհաքաղաքական ինժեներիայի ևս մեկ օրինակ է՝ միջազգային հանրության աչքում ստեղծել Վաշինգտոնին անհրաժեշտ իրականություն, որը ոչ մի կապ չունի իրականում տեղի ունեցողի հետ», - ասել է Զախարովան՝ հավելելով, թե «Պատմության ընթացքում մենք բազմիցս ձեռք ենք մեկնել եղբայրական հայ ժողովրդին և մտադիր ենք դա անել նաև ապագայում»։ ՌԴ ԱԳՆ ներկայացուցչի գնահատմամբ՝ Օ՛Բրայենը որևէ նոր բան չի ասել, միայն հաստատել է այն, ինչի մասին Մոսկվան պարբերաբար զգուշացնում է գործընկերներին, այդ թվում՝ Երևանում՝ Արևմուտքն ապակառուցողական օրակարգ է առաջ մղում Հարավային Կովկասում, որի հիմնական նպատակը մեկն է՝ «Մասնատել տարածաշրջանի տարածքը՝ քանդելով Ռուսաստանի պատմական կապերը իր ավանդական դաշնակիցների ու հարևանների հետ»: Մերձավոր Արևելքում իրավիճակի սրմանը զուգահեռ ԱՄՆ-ը և ՆԱՏՕ-ի նրա դաշնակիցները փորձում են ՌԴ դեմ նոր ճակատ ստեղծել և օգտագործում են ՀՀ իշխանություններին, որոնք չեն գիտակցում իրենց քայլերի վտանգավորությունը։
«Համահայկական ճակատ» շարժման առաջնորդ, պաշտպանության նախկին նախարար, գեներալ-մայոր Արշակ Կարապետյանի կարծիքով Ռուսաստանը միշտ կայունացրել է իրավիճակը Հարավային Կովկասում։ Այժմ Հայաստանի իշխանություններն իրենց քաղաքականությամբ լրջորեն վատթարացրել են այդ հարաբերությունները։ Դեմ առ դեմ հայտնվելով Բաքվի հետ` Երևանն անընդհատ նոր տարածքներ է զիջում սպառնալիքների տակ։
«Մենք կորցրեցինք մեր բարեկամներին, կորցրեցինք այնպիսի ռազմավարական գործընկեր, ինչպիսին է Ռուսաստանը, բայց նոր բարեկամներ ձեռք չբերեցինք։ Կան երկրներ, որոնք կարեկցում են Հայաստանին, բայց ո՛չ ավելին։ Եթե Ռուսաստանը տարածաշրջանային կայունության կողմնակից է, ապա այլ երկրներ տարածաշրջան մտնելու համար անկայունություն են առաջացնում»,- նշել էր «Համահայկական ճակատ» շարժման առաջնորդ Արշակ Կարապետյանը։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
Մեղրիին կվերադարձվի 2.1 հա մակերեսով հողամաս․ Սյունիքի մարզի դատախազության հայցը բավարարվել է
Տարադրամի փոխարժեքները դեկտեմբերի 27-ին
Արցախ վերադարձի հարցը Փաշինյանի համար փակված է, մեզ համար փակված չէ, կա նոյեմբերի 9-ի փաստաթուղթ, որ...
Շիրակի մարզում, Արագածի, Թալինի, Հրազդանի, Չարենցավանի, Ստեփանավանի, Սպիտակի, Վանաձորի, Իջևանի, Բերդ...