Իշխանությունը չարաշահում է ԽԾԲ-ն
2018 թ. իշխանափոխությունից հետո Նիկոլ Փաշինյանն ու իր թիմակիցները միաբերան հայտարարում էին, թե պաշտոններ նշանակելիս հաշվի են առնելու մարդկանց մասնագիտական հմտություններն ու կարողությունները, իսկ չարաբաստիկ «խնամի-ծանոթ-բարեկամ» սկզբունքից հրաժարվելու են որպես արատավոր պրակտիկա։
Ընդդիմադիր Փաշինյանն առիթը բաց չէր թողնում նախկին իշխանություններին մեղադրելու ծանոթներին ու մտերիմներին պաշտոնների նշանակելու համար։ Այսօր, Հայաստանն աղետի բերած իշխանափոխությունից վեց տարի անց կարելի է փաստել, որ Փաշինյանի վարչախումբն իր կադրային քաղաքականության մեջ առաջնորդվում է բացառապես ԽԾԲ սկզբունքով, իսկ պաշտոնները բաժին են հասնում միայն յուրայիններին, յուրայինների ընտանիքի անդամներին։
Հեռուստատեսության և ռադիոյի խորհուրդի ձևավորած հանձնաժողովը վաղը մրցույթ է անցկացնելու՝ Հանրային հեռարձակողի խորհրդի անդամ ընտրելու համար։ Առաջադրված բոլոր թեկնածուները կանայք են։ Բանն այն է, որ օրենքով խորհրդի յոթ անդամներից առնվազն երեքը պետք է մեկ սեռի լինեն։ ՀՀԽ-ում այժմ կին է միայն գրող Արփի Ոսկանյանը։
Շաբաթներ առաջ խորհրդի կազմից հրաժարական էր ներկայացրել հրապարակախոս Վահրամ Մարտիրոսյանը և թափուր տեղի համար դիմումներ միայն կանանցից են վերցրել։ Առաջադրված թեկնածուներից մեկը Մարգարիտա Մինասյանն է՝ Գյումրիում գործող «Ցայգ» հեռուստաընկերության տնօրենը, որը նաև վարչապետի պաշտոնը զբաղեցնող անձի մամուլի քարտուղար, նախկին պատգամավոր Նազելի Բաղդասարյանի մայրն է։
Նույնիսկ իրավապաշտպաններն են փաստում, որ նրա «ընտրությամբ» «տհաճ հետևանքներ» կարող են լինել, բայց դա գործող իշխանություններին բնավ չի հուզում։ Ցանկացած պաշտոնի պետք է նշանակվի յուրայինը, Փաշինյանի թրի տակով անցածը։ Հատկապես Հանրային հեռարձակողի խորհրդում, որտեղ լուրջ ցնցումներ են՝ Հանրային ռադիոյի նախկին տնօրեն Գարեգին Խումարյանի ազատումից հետո։
Կարինե Ավետիսյան
«Համահայկական ճակատ» շարժման անդամ Աննա Ղուկասյանի գրառումը Գնդապետ Արտակ Ղազարյանի մասին
Եթե շարունակենք ժողովրդին բաժանել սևերի ու սպիտակների, դրանից ոչինչ չենք շահի. Արեգ Սավգուլյան
Մեր երկրի պատմությունը շատ դաժան է եղել, բայց շնորհիվ մեր ամուր գենետիկ կոդի` մենք ունենալու ենք լավ...
Վարկային և քրեական համաներում՝ հանուն սոցիալական արդարության․ Հրայր Կամենդատյան
Եղել են նաև երեխաների մահվան դեպքեր. ի՞նչ գործնական, կիրառական նշանակություն կարող է ունենալ ատենախո...
Գիտելիք և փորձ՝ հանուն էներգետիկայի ոլորտի զարգացման. վերապատրաստվել է 70 մասնագետ
Կուռթանի բնակիչը` Ուժեղ Հայաստանի անդամների հետընտրական այցի մասին
Ինչո՞ւ է Բաքվի թիրախում հայտնված հայտնի գործարարը հալածվում իշխանությունների կողմից. «Փաստ»
Մոսկվայում բողոքի ձայն են բարձրացրել ի պաշտպանություն Հայաստանի քաղբանտարկյալների. «Սփյուռքը չի լռել...
«Ողորմություն խնդրողի» կեցվածքով պետություն չես պահի. «Փաստ»