Հայաստանի և Ռուսաստանի արտգործնախարարությունների «փոխհրաձգությունը» նոր փուլ է մտնում
Հայաստանի և Ռուսաստանի արտգործնախարարությունների «փոխհրաձգությունը» նոր փուլ է մտնում։ Սերգեյ Լավրովի հայտարարություններին ՀՀ ԱԳՆ արձագանքին երեկ էլ պատասխանել է Մարիա Զախարովան։ Օրեր առաջ Բաքվում նախարար Լավրովը Հայաստանի իշխանություններին մեղադրել էր Սյունիքի մարզով անցնող ճանապարհի շուրջ պայմանավորվածությունները սաբոտաժի ենթարկելու մեջ։ Երևանը կոչ էր արել սաբոտաժի չենթարկել կայունությունը։
«Սեփական սխալների մեղքը Ռուսաստանի վրա բարդելու հերթական փորձ»,- այսպես է արձագանքել Մարիա Զախարովան պաշտոնական Երևանի հայտարարությանը: «Սա պաշտոնական Երևանի կողմից սեփական սխալների, ռազմավարական սխալ հաշվարկների մեղքը ուրիշների, տվյալ դեպքում՝ Ռուսաստանի վրա բարդելու հերթական օրինակն է»,- ասել է Զախարովան:
ՌԴ ԱԳՆ-ն, որ վերջին օրերին ակտիվացրել է այսպես կոչված «Զանգեզուրի միջանցքի» հարցում խոսակցությունները՝ հիշեցնելով 2020 թ. նոյեմբերի 9-ի հայտարարության 9-րդ կետը, նշել, թե մեծ աշխատանք է տարվել Հարավային Կովկասում տնտեսական և տրանսպորտային կապերի ապաշրջափակման եռակողմ աշխատանքային խմբի շրջանակներում՝ ՌԴ, Հայաստանի և Ադրբեջանի փոխվարչապետների համանախագահությամբ: Անցկացվել է ընդհանուր առմամբ 12 նիստ, որոնց արդյունքում հաջողվել է էական տեղաշարժեր գրանցել։
«Այսպես, հայկական կողմի խնդրանքով որոշվեց երկաթուղային հաղորդակցության գործարկումը չկապել ավտոմոբիլային հաղորդակցության հետ։ 2023 թ. հունիսին Մոսկվայում կայացած վերջին հանդիպման ժամանակ հաստատվել են իրենց տարածքով անցնող երթուղիների նկատմամբ կողմերի ինքնիշխանության և իրավասության սկզբունքները, ինչը պնդում էր հենց Երևանը։ Հուսով եմ, որ նրանք, ովքեր հրապարակել են նշված մեկնաբանությունը, բավարար ժամանակ կունենան դա ևս մեկնաբանելու համար»,- ասել է ռուս դիվանագետը։
Ինչպես նշել Է Զախարովան, կարգավորվել են բեռների միջազգային տարանցման և դրանց մաքսային հսկողության հարցերը: Այնուամենայնիվ, երկաթուղային հաղորդակցության գործարկման վերաբերյալ վերջնական պայմանավորվածության հասնել չհաջողվեց հենց սահմանային վերահսկողության հարցերում հայկական կողմի անզիջողականության պատճառով։ Նրա խոսքով՝ Երևանը հեռացել է նախկինում համաձայնեցված դիրքորոշումներից, սկսել է պնդել ՌԴ սահմանապահների ներկայության հարցում «փոխադարձության» սկզբունքը՝ պահանջելով, որ նրանք լինեն ոչ միայն հայկական, այլև ադրբեջանական կողմում:
Ռուսաստանի կոշտ հռետորաբանությունը Վլադիմիր Պուտինի Բաքու այցից հետո, նոյեմբերի 9-ի հայտարարության պահանջների թարմացումը վկայում են՝ Ռուսաստանը չի ցանկանում իր ձեռքից բաց թողնել հաղորդակցությունների վերահսկողության հնարավորությունը, իսկ Բաքվում, ի թիվս այլ հարցերի, նաև դա են քննարկել։ Թե ինչ հետևանքներ այդ հանգամանքը կունենա Հայաստանի վրա, պարզ կլինի առաջիկայում։
Սյուզան Մեհրաբյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան
Երբ ջնջվում է... ոգին. «Փաստ»
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...