Բրիտանական ստորություն Հայաստանի դեմ
Մեծ Բրիտանիայի արտգործնախարար Դևիդ Լեմմին հայտարարել է, թե «Ադրբեջանն ազատագրել է 1990-ականներին կորցրած իր հողերը» և դա համեմատել Ռուսաստանի դեմ Ուկրաինայի պայքարի հետ: Այս մասին նա գրել է ուկրաինական հակամարտությանը նվիրված իր հոդվածում։ 2023-ի սեպտեմբերի 19-ին Ադրբեջանը, իննամսյա շրջափակումից հետո մեծածավալ հարձակում ձեռնարկեց Լեռնային Ղարաբաղի դեմ, ինչի արդյունքում էթնիկ զտման ենթարկվեց Արցախի ամբողջ հայ բնակչությունը։
Բրիտանական մամուլի տեղեկություններով, Մեծ Բրիտանիայում Հայաստանի դեսպան Վարուժան Ներսեսյանը շտապ պարզաբանում է փորձում ստանալ Լեմմիի մեկնաբանությունների վերաբերյալ, իսկ մի շարք փորձագետներ քննադատել են ԱԳ նախարարին, հիշեցրել, որ նրա տեսակետն իբր «հակասում» է բրիտանական կառավարության պաշտոնական դիրքորոշմանը։
Անցյալ սեպտեմբերին Մեծ Բրիտանիայի բարձրաստիճան դեսպան Նիլ Հոլանդը քննադատել էր Ադրբեջանի կողմից ուժի կիրառումը և բռնությունները Լեռնային Ղարաբաղի տարածաշրջանի շուրջ էթնիկ և տարածքային հակամարտությունում: Հոլանդը նշել էր, որ Ադրբեջանի կողմից ուժի կիրառումն անընդունելի է և վերահաստատել է, որ Բրիտանիան կոչ է արել դադարեցնել կրակը երկարատև հակամարտությունում։ ԵԱՀԿ-ում Միացյալ Թագավորության պատվիրակության ղեկավար Հոլանդը քննադատել է Ադրբեջանի որոշումը՝ տարածաշրջանում ռազմական գործողություններ սկսելը բռնությունների դադարից հետո: Նրա հայտարարությունները հնչել էին այն բանից հետո, երբ Ադրբեջանը ռազմական հարձակում է սկսել Արցախի դեմ։
Առնվազն տարօրինակ է կարծել, թե ԱԳ նախարարը տեղյակ չէ նախկինում արված հայտարարություններից, կամ չգիտի, թե ինչ է կատարվում։ Լոնդոնը սեփական շահերն ունի Հարավային Կովկասում, սիկ Ադրբեջանի հետ նրա հարաբերությունները չափազանց սերտ են թե՛ տնտեսական, թե՛ քաղաքական առումով։ Դևիդ Լեմմիի այս հայտարարությունը կարելի է գնահատել միայն որպես սեփական շահերի առաջմղում։ Իսկ Հայաստանի հետ հարաբերությունների վրա բրիտանացիները վաղուց և խորապես թքած ունեն։
Արսինե Բեգլարյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան
Երբ ջնջվում է... ոգին. «Փաստ»
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...