Համընթաց թարգմանիչների հայկական ասոցիացիան նշում է Թարգմանիչների միջազգային օրը

Համընթաց թարգմանիչների հայկական ասոցիացիան (ՀԹՀԱ) կազմակերպում է Թարգմանիչների միջազգային օրվան նվիրված հատուկ միջոցառում: Այս բացառիկ միջոցառումը տեղի կունենա սեպտեմբերի 30-ին, ժամը 19։00-ին, Երևանում՝ Արամ Խաչատրյանի տուն-թանգարանում: 

Փակ միջոցառման ընթացքում տեղի կունենա «Թարգմանության բազմաձայնությունը․ ուսումանսիրելով թարգմանչի դերը» խորագրով պանելային քննարկում, որը կանդրադառնա համընթաց թարգմանիչների կարևոր դերին մեր փոխկապակցված աշխարհում: Այս բացառիկ հավաքին մասնակցելու հրավեր են ստացել հանրային, մասնավոր, հասարակական հատվածների, միջազգային կառույցների և ֆինանսաբանկային ոլորտի գործընկերները։ 

Հյուրերին սպասվում են անակնկալ նվերներ և գինեխմության շուրջ մասնագիտական շփումներ, ինչը մասնագիտական շփման հավելյալ հնարավորություն կստեղծի համընթաց թարգմանիչների և շահագրգիռ կողմերի համար:

ՀԹՀԱ-ն նպատակ ունի ընդգծել մասնագիտական համընթաց թարգմանության ծառայությունների կարևորությունը միջմշակութային փոխըմբռնման խթանման և գլոբալ հաղորդակցությունը դյուրացնելու գործում: Այս միջոցառումը եզակի հնարավորություն է ընձեռում համընթաց թարգմանության ոլորտի հիմնական շահագրգիռ կողմերի միջև ցանցային կապերի ստեղծման և երկխոսության համար:

Լրատվամիջոցների ներկայացուցիչները ևս հրավիրված են մասնակցելու միջոցառմանը: Լրացուցիչ տեղեկությունների կամ հրավեր ստանալու համար խնդրում ենք գրել [email protected] էլ․հասցեին։ 

Համընթաց թարգմանիչների հայկական ասոցիացիան ստեղծվել է 2007թ․-ին՝ միավորելով ավելի քան 20 բարձրակարգ թարգմանիչների, որոնք ապահովում են համընթաց և հաջորդական թարգմանություն: