Արդարադատության նախարարը հեռացավ
Արդարադատության նախարար Գրիգոր Մինասյանը վաչապետ Նիկոլ Փաշինյանին հրաժարականի դիմում է ներկայացրել։ Մինասյանը ֆեյսբուքյան գրառում է արել, նշել, թե որոշել է ինքն էլ միանալ իր պաշտոնավարման դեմ ստորագրահավաքին:
«Խորհրդարանական կառավարման համակարգում դժվար կլինի նախարարի պաշտոն զբաղեցնելը, եթե նույնիսկ մեկ պատգամավորի հետ դրական համագործակցություն չունենաս: Ես տեղեկացա, որ խնդիր ունեմ «Քաղաքացիական պայմանագիր» խմբակցության շուրջ երկու տասնյակ պատգամավորների հետ», - գրել է Մինասյանը, ապա ճոխ-ճոխ ներկայացրել իր պաշտոնավարման ընթացքում կատարած աշխատանքները։
«Քաղաքացիական պայմանագրից» օրեր առաջ էին ստորագրահավաք կազմակերպել, թղթերը փոխանցել Փաշինյանին։ Խմբակցության 71 անդամներից միացել էին միայն 27-ը։ Մինասյանը ՔՊ-ի թիրախում հայտնվել էր մի քանի կադրային որոշումների համար, արժանանալով հատկապես Անդրանիկ Քոչարյանի քննադատությանը։ Վերջինս իր մտերիմներին էր ցանկանում նշանակել ՔԿԾ պետ։
Առնվազն տարօրինակ է, որ ընդամենը 27 պատգամավորի ստորագրությամբ Մինասյանը թևաթափ է լինում և հեռանում։ Դա բացասաբար է խոսում նրա մարդկային ու մասնագիտական որակների մասին։ Մյուս կողմից, Գրիգոր Մինասյանն ինքն էլ հասկանում է, որ ստորագրահավաքն ընդամենը ֆորմալ առիթ է իրենից ազատվելու համար, և նախաձեռնվել է անձամբ Փաշինյանի կողմից, հատկապես, որ ստորագրություններ հավաքողը Փաշինյանի մերձավորներից Արփի Դավոյանն է եղել։
Ըստ էության, Գրիգոր Մինասյանը հեռացավ, որպեսզի իրեն չհեռացնեն։ Հերթում հաջորդը ԲԴԽ նախագահ Կարեն Անդրեասյանն է։
Լալա Մակարյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
Մեղրիին կվերադարձվի 2.1 հա մակերեսով հողամաս․ Սյունիքի մարզի դատախազության հայցը բավարարվել է
Տարադրամի փոխարժեքները դեկտեմբերի 27-ին
Արցախ վերադարձի հարցը Փաշինյանի համար փակված է, մեզ համար փակված չէ, կա նոյեմբերի 9-ի փաստաթուղթ, որ...
ՊՆ պաշտոնատար անձինք մեղադրվում են խոշոր չափերի հափշտակության մեջ. նախաքննությունն ավարտվել է