Ադրբեջանը թքած ունի կանոնակարգի վրա
Հայաստանի և Ադրբեջանի միջև սահմանազատման հանձնաժողովների կանոնակարգը, որին սեպտեմբերի վերջին հավանություն է տվել Սահմանադրական դատարանը, ուղարկվել է Ազգային ժողով՝ վավերացման։ Քննարկումների ընթացքում Կառավարության ներկայացուցիչը փոխվարչապետ, սահմանազատման հայկական հանձնաժողովի նախագահ Մհեր Գրիգորյանը կլինի: Կանոնակարգը սահմանված ժամկետից երկու ամիս ուշ ստորագրվեց, օրեր առաջ էլ ՍԴ-ն ծավալուն մի որոշում էր կայացրել՝ փաստացի վարկաբեկելով ՀՀ Անկախության հռչակագիրը։
Ըստ կանոնակարգի՝ Երևանն ու Բաքուն համաձայնել են սահմանազատումն իրականացնել 1991 թվականի Ալմա-Աթայի հռչակագրի վրա, բայց այդ համաձայնությունը վերջնական չէ։ Կանոնակարգում նշվում է՝ գործընթացը հնարավոր է հետագայում՝ խաղաղության համաձայնագրի ընդունումից հետո, այլ սկզբունքներով ընթանա։ Ընդդիմադիր պատգամավորներն արդեն հայտարարել են, որ պատրաստվում են Ազգային ժողովում դեմ քվեարկել նախագծին։ Ասում են՝ կողմ են սահմանազատմանը, սակայն ո՛չ այս կանոնակարգով: Մասնավորապես, քննադատում են, որ փաստաթղթում որևէ թվականի քարտեզ չի ամրագրվել, կարծում են՝ դա Ադրբեջանի կողմից կամայականությունների տեղիք կարող է տալ:
Ադրբեջանը մինչ օրս որևէ ընթացակարգ չի պահպանել։ Ավելին, պարզ հայտարարում են, որ թքած ունեն կանոնակարգի վրա էլ, Ալմա-Աթայի հռչակագրի վրա էլ։ Փաշինյանական իշխանությունն Ալմա-Աթայի հռչակագիրը ներկայացնում էր՝ որպես դիվանագիտական մի մեծ ձեռքբերում, որը երաշխավորում է Հայաստանի տարածքային ամբողջականությունը: Ադրբեջանի ԱԳՆ խոսնակ Հաջիզադեն ասել է, թե Ալմա-Աթայի հռչակագիրը կապ չունի այն հարցի հետ, թե որտեղով են անցնում ԱՊՀ անդամ երկրների սահմանները և որ տարածքները որ երկրին են պատկանում: Իհարկե, արտաքուստ Հաջիզադեն խոսում է Հայաստանի տարածքային հավակնությունների մասին՝ նկատի ունենալով ԼՂ խնդիրը, բայց ակնհայտորեն արժեզրկում է Ալմա-Աթայի հռչակագիրը՝ կանաչ լույս վառելով Ադրբեջանի հավակնությունների համար:
Նելիի Միքայելյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
Մեղրիին կվերադարձվի 2.1 հա մակերեսով հողամաս․ Սյունիքի մարզի դատախազության հայցը բավարարվել է
Տարադրամի փոխարժեքները դեկտեմբերի 27-ին
Արցախ վերադարձի հարցը Փաշինյանի համար փակված է, մեզ համար փակված չէ, կա նոյեմբերի 9-ի փաստաթուղթ, որ...
ՊՆ պաշտոնատար անձինք մեղադրվում են խոշոր չափերի հափշտակության մեջ. նախաքննությունն ավարտվել է