50 միլիոն ԱՄՆ դոլար կուղղվի Հայաստանում բիզնեսի զարգացմանը
Ակբա բանկն առաջինը Հայաստանում համագործակցություն է մեկնարկում ԱՄՆ Միջազգային զարգացման ֆինանսական կորպորացիայի (ԶՖԿ) հետ, որի արդյունքում 50 միլիոն ԱՄՆ դոլար կուղղվի Հայաստանում միկրո, փոքր և միջին ձեռնարկություններին (ՄՓՄՁ) աջակցելու, տնտեսական աճը խթանելու համար։
Միջոցների առնվազն 50%-ը կտրամադրվի կանանց կողմից ղեկավարվող ձեռնարկություններին՝ ստեղծելով հատուկ հնարավորություններ վերջիններիս զարգացման համար։
«Առաջին անգամն է, որ ԶՖԿ-ն պայմանագիր է կնքում հայաստանյան կազմակերպության, մասնավորապես Ակբա բանկի հետ։ Ստացված ռեսուրսներն ուղղելու ենք մեր երկրի միկրո, փոքր և միջին բիզնեսի զարգացմանը։ Հատուկ շեշտվելու է կանանց դերը այդ բիզնեսներում և ներգրավված միջոցների էական մասն ուղղվելու է կանանց ղեկավարությամբ իրականացվող բիզնեսների զարգացմանը։ Այս համագործակցությամբ մենք նպաստելու ենք ամբողջ Հայաստանում բիզնեսի շարունակական զարգացմանը»,- նշել է Ակբա բանկի գլխավոր գործադիր տնօրեն Հակոբ Անդրեասյանը։
«Այսօր նշում ենք Հայաստանի և ԱՄՆ-ի միջև կարևոր գործակցությունը: Ակբա բանկի հետ գործակցությունը մեր ընդհանուր արժեքների և Հայաստանում տնտեսական աճը խթանելու մասին է: Փոքր բիզնեսն ազատ շուկայի շարժիչ ուժն է, այն ստեղծում է աշխատատեղեր և հնարավորություններ համայնքների համար։ ԱՄՆ Միջազգային զարգացման ֆինանսական կորպորացիան օգտագործում է իր գործիքները և լիազորությունները՝ ապահովելու ֆինանսավորման այնպիսի հասանելիություն, որը կօգնի զարգացնել հայկական բիզնեսները և առաջ մղել Հայաստանի տնտեսությունը»,- նշել է ԱՄՆ Միջազգային զարգացման ֆինանսական կորպորացիայի փոխտնօրեն Նիշա Բիսվալը։
«Սա ԱՄՆ Միջազգային զարգացման ֆինանսական կորպորացիայի կողմից արված երբևէ ամենամեծ ներդրումն է Հայաստանում, որը ստանում է Ակբա բանկը: Կարծում եմ, սա կարևոր քայլ է փոքր և միջին ձեռնարկությունների ֆինանսավորման հասանելիության ընդլայնման համար: Այն հնարավորություն կտա տեղական բիզնեսներին աճել, իրականացնել նորարարություններ և նոր աշխատատեղեր ստեղծել»,- նշել է ՀՀ-ում ԱՄՆ դեսպան Քրիստինա Քվինը։
«Այս համագործակցությունը ոչ միայն աջակցում է Հայաստանի փոքր և միջին ձեռնարկություններին, այլև ևս մեկ կարևոր քայլ է ԱՄՆ-ի և Հայաստանի միջև տնտեսական հարաբերությունների շարունակական խորացման ուղղությամբ։ Այս վարկային ծրագիրը կօգնի հայկական ձեռնարկություններին ընդլայնվել, զարգանալ և մրցունակ լինել թե՛ տեղի, և թե՛ միջազգային շուկաներում»,- նշել է ՀՀ էկոնոմիկայի նախարարի տեղակալ Արման Խոջոյանը։
«Ակբա բանկը մեր բանկային համակարգի առաջատարներից մեկն է և երկար տարիներ ցուցաբերում է կայուն ֆինանսական ցուցանիշներ։ Բանկը ներդրել է լավագույն ստանդարտները հատկապես կորպորատիվ կառավարման ոլորտում և երկար տարիներ գտնվել է հայ գործարարների, գյուղատնտեսական ոլորտի և ՓՄՁ ոլորտի կողքին։ Ակբա բանկի փորձառու մասնագետները դարձել են այդ գործարար շրջանակի գործընկերներն ու խորհրդատուները, մեր գործարարների կողքին են իրենց նախաձեռնությունների սկզբից մինչև հաջող ավարտը»,- նշել է ՀՀ ԿԲ խորհրդի անդամ Դավիթ Նահապետյանը։
Մանրամասն՝ տեսանյութում։
Բանկը վերահսկվում է ՀՀ ԿԲ կողմից։
50 միլիոն ԱՄՆ դոլար կուղղվի Հայաստանում բիզնեսի զարգացմանը
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը
Դոլարն էժանացել է, ռուբլին՝ թանկացել․ փոխարժեքն՝ այսօր
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է