Վրացական ընտրություններում որոշվելու է՝ արդյո՞ք ՀՀ-ն ընդհանուր սահման ունենալու է ԵՄ-ի հետ, թե՝ ոչ. Սուրեն Սարգսյան

Միջազգայնագետ Սուրեն Սարգսյանը ֆեյսբուքյան իր էջում գրել է․

«Ամենից զատ, այսօրվա վրացական ընտրություններում որոշվելու է, թե արդյո՞ք Հայաստանը երբևէ ընդհանուր սահման ունենալու է ԵՄ-ի հետ, թե՝ ոչ:

Այսօր Վրաստանում, նոյեմբերի 5-ին ԱՄՆ-ում կայանալիք ընտրությունները տոտալ ազդեցություն են ունենալու ՀՀ արտաքին քաղաքականության վրա: Եթե Վրաստանում վերարտադրվում են գործող իշխանությունները, իսկ ԱՄՆ-ում իշխանությունը վերցնում են նախկինները, դա լուրջ վերադասավորումների է բերելու ողջ տարածաշրջանում:

Թրամփի վարչակազմը մեր ռեգիոնով պասիվ է զբաղվելու, ինչը, մանավանդ Վրաստանում իշխանության հաղթանակի պարագայում էապես բարձրացնելու է ՌԴ հնարավորություններն առավել ակտիվ գործելու վերջին շրջանում ակտիվությունը կորցրած Հարավային Կովկասում»:

Միացյալ Նահանգները չի մասնակցում Իրանի դեմ իսրայելական բանակի գործողություններին,  ասվում է Սպիտակ տան Ազգային անվտանգության խորհրդի խոսնակ Շոն Սավետի հայտարարության մեջ:

«Մենք հասկանում ենք, որ Իսրայելը նպատակաուղղված հարվածներ է հասցնում Իրանի ռազմական օբյեկտներին՝ որպես ինքնապաշտպանություն և ի պատասխան հոկտեմբերի 1-ին Իսրայելի դեմ Իրանի բալիստիկ հրթիռների հարձակմանը», - ասվում է հայտարարության մեջ, գրում է CNN-ը:

Իսրայելը, ըստ լրատվամիջոցի աղբյուրի, զգուշացրել է Սպիտակ տանը հարվածներից առաջ:

Նախագահ Ջո Բայդենը տեղեկացված է հարվածների մասին և ուշադիր հետևում է զարգացումներին, ասել է Սպիտակ տան պաշտոնյան: