ՔՊ-ն նիստ չի գումարելու Անդրանիկ Քոչարյանի հարցով
«Քաղաքացիական պայմանագիր» խմբակցությունը կրկին ալեկոծվում է՝ հասկանալով, որ իրեն այս անգամ էլ են խաբել ու օգտագործել։
Օրեր առաջ կայացած ՔՊ նախաձեռնող նիստում, որտեղ ըստ Փաշինյանի, ինքնաքննադատությամբ են զբաղվել, մի քանի տասնյակ քպական պատգամավորներ ջախջախիչ քննադատության են ենթարկել ԱԺ Պաշտպանության և անվտանգության հարցերի հանձնաժողովի նախագահ Անդրանիկ Քոչարյանին։ Դրանից հետո մամուլում լուրեր սկսեցին շրջանառվել, որ Փաշինյանի հանձնարարությամբ ՔՊ խմբակցության նիստ է գումարվելու, քննարկելու են Քոչարյանին հանձնաժողովի նախագահի պաշտոնից հեռացնելու հարցը։
Ապրիլյան և 44-օրյա պատերազմների հանգամանքները քննող հանձնաժողովների նախագահ Անդրանիկ Քոչարյանը, պարզվեց, պինդ ընկույզ է քպական ատամների համար։ Քոչարյանը սսկվելու փոխարեն անցավ հակահարձակման, հանրային դաշտում կրկին ակնարկներ անելով ՔՊ-ում տիրող վատ բարքերի մասին։ Քոչարյանը նաև Նիկոլ Փաշինյանին ու մյուսներին է զգուշացրել, որ հանձնաժողովի նախագահի պաշտոնից հեռանալու դեպքում վայր է դնելու մանդատը, այլ պաշտոն չի ստանձնելու, և բերանը չի փակելու։ Կարճ ասած, շանտաժ է արել գործող իշխանություններին։
Մեր աղբյուրների փոխանցմամբ, այդ շանտաժը բավական արդյունավետ է եղել, ՔՊ վարչությունը, որ նախօրեին հաղորդագրություն էր տարածել ՀԾԿՀ նոր նախագահ և ԲԴԽ նոր անդամ ընտրելու մասին, նաև քննարկել է Անդրանիկ Քոչարյանի հարցը։ Թեպետ վարչության որոշ անդամներ նեղսրտել են, բայց Նիկոլ Փաշինյանը կոշտ հրահանգել է Անդրանիկ Քոչարյանին առժամանակ ձեռք չտալ, խոստացել է, որ նրա հարցերը կլուծի արտահերթ խորհրդարանական ընտրություններից առաջ՝ չընդգրկելով համամասնական ընտրացուցակում։
Քոչարյանն, իհարկե, հանգիստ չի նստելու, փորձելու է վարկաբեկել իր դեմ աշխատող յուրաքանչյուր պատգամավորի։ Հաշվի առնելով, որ նա ավելի խորամանկ ու փորձառու է, քան իր բոլոր թիմակիցները միասին վերցրած, կարելի է ենթադրել, որ «Քաղպայմանագիր» խմբակցությունը քարուքանդ կանի։
Անի Համզյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Մեղրիին կվերադարձվի 2.1 հա մակերեսով հողամաս․ Սյունիքի մարզի դատախազության հայցը բավարարվել է
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
Տարադրամի փոխարժեքները դեկտեմբերի 27-ին
Արցախ վերադարձի հարցը Փաշինյանի համար փակված է, մեզ համար փակված չէ, կա նոյեմբերի 9-ի փաստաթուղթ, որ...