Ռուս խաղաղապահներն Արցախում պարբերաբար մարտական պատրաստության գործողություններ ու վարժանքներ են իրականացնում
Ռուսական խաղաղապահ զորախմբի դիտորդական կետերի անձնակազմը պարբերաբար իրականացնում է մարտական պատրաստության գործողություններ և վարժանքներ՝ խախտումները, ինչպես նաև դիտակետի վրա հնարավոր հարձակման կանխելու համար: Այդ մասին տեղեկատվություն է հրապարակվել ՌԴ ՊՆ պաշտոնական կայքէջում:
Տարածված հաղորդագրության մեջ ռուսական խաղաղապահ զորախմբի զինծառայող Իվան Զոլոտարևը պատմել է Արցախում իր ծառայության սկզբի, դիտորդական կետում առաջադրանքների կատարման, առօրյա կյանքի և ժամանցի մասին: «Ես զինվորական ծառայությունը սկսել եմ 2017-ին և վեց ամիս անց արդեն պայմանագիր կնքեցի: Ներկայումս իմ ծառայության հինգերորդ տարին է: Հունվարին տեղեկատվություն տրամադրվեց Արցախի Հանրապետություն երկարաժամկետ գործուղման մեկնելու վերաբերյալ`ռուսական խաղաղապահ զորախմբում առաջադրանքներ կատարելու համար: Գործուղման մեկնելը կամավոր էր: Մեկնելու նախապատրաստումը տևեց երեք ամիս: Հպարտ եմ, որ ռուսական խաղաղապահ զորակազմի կազմում գործուղման եմ եկել Արցախ: Մեր զինված ուժերը հասարակության մեջ ասոցացվում են՝ «Որտեղ ենք մենք, այնտեղ խաղաղություն» կարգախոսի հետ»,-ասել է Իվան Զոլոտարևը և հավելել. «Արցախ ժամանելուն պես ինձ զարմացրեցին այն պայմանները, որոնք ստեղծվել էին Ռուսաստանի խաղաղապահ զորակազմում հատուկ առաջադրանքներ կատարելու համար, ինչպես նաև սոցիալական ապահովության մակարդակը, ժամանցի և սպորտային հարմարությունների կազմակերպումը: Ընտանիքս դրական է վերաբերվում մասնագիտությանս ընտրությանը, ծնողներս հպարտ են, որ այսքան տարի ծառայում եմ բանակում: Հայրս զինվորական է, պապս՝ զինվորական: Նրանք աջակցեցին ինձ Արցախ գործուղման իմ ընտրության հարցում: Տեղի բնակչությունը մեզ վերաբերվում է դրական և հարգալից: Ես ինքս բազմիցս երախտագիտության խոսքեր եմ լսել տեղի բնակիչներիից այն մասին, որ մենք խաղաղություն ենք բերում իրենց երկիր»:
Ըստ ՌԴ ՊՆ-ի, ռուսական խաղաղապահ զորախմբի բոլոր դիտակետերը հագեցած են «Անցակետ» պաշտպանական համակարգով, որոնք նախատեսված են զինծառայողներին փոքր զենքից և բեկորներից պաշտպանելու, ինչպես նաև շրջակա տարածքի բազմակողմանի դիտարկումներ իրականացնելու համար:
Հաղորդագրության մեջ ասվում է, որ հարմարավետ, ժամանակակից պայմաններ են ստեղծվել դիտակետերում ծառայություն կազմակերպելու, առօրյա կյանքի կազմակերպման, խաղաղապահ ստորաբաժանումների անձնակազմի ֆիզիկական պատրաստվածության և հանգստի համար:
Յուրաքանչյուր զինվորական ավանի տարածքում կա արհեստական խոտածածկով մարզասրահ, բաղնիք, բժշկական կենտրոն, չորանոց, հագուստի մաքրման սենյակ, ժամանցի սենյակ, գրասենյակ, պահեստ, ճաշարան և մթերային խանութ:
Բնագիծ. «Եվ ով քար գլորի, այն նրա վրա կվերադառնա»։ «Առակաց 26:27». Արշակ Կարապետյան
Նույնիսկ ԵԽԽՎ-ում չեն կարողացել մինչև վերջ «աչք փակել». «Փաստ»
«Նրանք ստում են, անամոթաբար ստում են ՀԱՊԿ-ի մասով». «Փաստ»
«Հայոց Արծիվներ» ջոկատը պատերազմի առաջին օրերին մեկնեց Արցախ՝ Հայրենիքը պաշտպանելու
Պետական հեռուստաընկերությունը պետք է վերադարձվի հանրությանը. Հրայր Կամենդատյան
Ջրամատակարարման խնդիրը՝ հերթական «աքիլլեսյան գարշապար». «Փաստ»
Նիկոլ Փաշինյանի իշխանությունը լեգիտիմ չէ. Գոհար Մելոյան
75 Ուսուցիչ-առաջնորդների հավաքագրման արշավը մեկնարկել է
Այսօր Սյունիքն է վտանգի տակ, նույնիսկ հիմա է մեր ժողովուրդը անտարբեր․ Կարապետյան
Քչերը գիտեն որ սեզոնային այս միրգը կօգնի իջեցնել արյան ճնշումը