Վերականգնվել է Կամո-Շիրակ մոտ 5 կմ երկարությամբ ավտոճանապարհը

Ավարտվել է Շիրակի մարզով անցնող Կամո-Շիրակ մոտ 5 կմ երկարությամբ ավտոճանապարհի վերականգնումը։ Նորոգված կենսական նշանակության ճանապարհը Կամո և Շիրակ բնակավայրերը կապում է Մ-7 /Մ-3/-Սպիտակ-Գյումրի միջպետական ճանապարհի հետ։ Բնակավայրերի բնակիչները նույնիսկ չէին հիշում, թե երբ է նորոգվել այդ ճանապարհը, ասում էին, որ շուրջ 30-40 տարի ճանապարհաշինական տեխնիկա չէին տեսել այդ կողմերում։  ՀՀ տարածքային կառավարման և ենթակառուցվածքների նախարարի հրամանով ձևավորված հանձնաժողովը կատարված շինարարական աշխատանքները դիտարկեց ու ամփոփեց տեղում: «Ճանապարհային դեպարտամենտ» հիմնադրամի ծրագրերի կառավարման և գնումների դեպարտամենտի պետ Նարեկ Զուլալյանը համայնքների ներկայացուցիչների հետ զրույցներում նշեց, որ ճանապարհը երկար ծառայելու համար բնակիչների, համայնքի խնամքի կարիքը ունի։ Նա նաև հորդորեց գյուղացիներին գյուղատնտեսական տեխնիկան (հատկապես թրթուրավոր) վարել հատուկ գյուղտեխնիկայի անցման համար նախատեսված հատվածներով, հակառակ դեպքում ճանապարհային ծածկը շատ արագ կքայքայվի։ Նա նաև նշեց, որ ճանապարհի մի կողմում կողնակները լայն են կառուցվել՝ հատուկ գյուղտեխնիկայի երթևեկի համար։             Ախուրյան համայնքի ղեկավար Արծրունի Իգիթյանը նկատեց, որ կզգուշացնեն գյուղտեխնիկա ունեցող գյուղացիներին, որպեսզի երթևեկեն նախատեսված հատվածներով և չվնասեն ասֆալտբետոնե ծածկը։ Պարոն Իգիթյանը նշում է, որ նախկինում մարզկենտրոնի, հիմնական ճանապարհի, այլ բնակավայրերի հետ կապը շատ դվար էր իրականացնել։ «Մեքենաները շարքից դուրս էին գալիս, տաքսիները գյուղ չէին մտնում, մարդիկ ընդհանրապես աշխատում էին քիչ երթևեկել։ Կենսական նշանակության այս ճանապարհի նորոգումը մեծ խնդիրներ է լուծում Շիրակ և Կամո բնակավայրերի համար։ Ախուրյան խոշորացված համայնքը գյուղատնտեսական տարածք է, որտեղ գյուղմթերքների տեղափոխման, շուկաներին հասանելի դարձնելու, սերմեր ներկրելու խնդիր կա։ Եվ ճանապարհի հիմնանորոգումը խիստ կարևոր է թե՜ տնտեսման, թե՜ ժամանակ խնայելու, թե՜ հարմարավետության առումով։ Նախկինում տարին մի քանի անգամ մենք համայնքի ուժերով փորձում էինք փոսային նորոգում, խճապատում իրականացնել, սակայն անձրևներից հետո դարձյալ փոսեր էին ի հայտ գալիս։ Հիմա արդեն ունենք բարեկարգ ճանապարհ և պետք է աշխատենք ապահովել հետագա պահպանումն ու շահագործումը»,- ասաց պարոն Իգիթյանը։  Ճանապարհաշինական աշխատանքները կատարել է «Մերձմոսկովյան» ՓԲԸ-ն։ Համաշխարհային բանկի և ՀՀ կառավարության կողմից ֆինանսավորվող Կենսական նշանակության ճանապարհային ցանցի բարելավման 2-րդ լրացուցիչ ֆինանսավորում ծրագիրն իրականացվում է  «Ճանապարհային դեպարտամենտ» հիմնադրամի կողմից։  «Ճանապարհային դեպարտամենտ» հիմնադրամ ։

Գունավոր մետաղների գները՝ հունվարի 19-ի դրությամբ Դժբախտություն` Արշակ Կարապետյանի ընտանիքում Կովկասյան տարածաշրջանում իրավիճակը մնում է համեմատաբար կայուն. Ստանիսլավ Զասը` ՄԱԿ-ի գլխավոր քարտուղարի օգնականին Թեհրանը Մոսկվային առաջարկել է Ադրբեջանից Իրանի հարավ ռուսական գազի սվոփ Կրետեի հայտնի փարոսն ու Ալեքսանդրուպոլի քաղաքապետարանը լուսավորվել են հայոց եռագույնով Դանակով զինված ավազակային հարձակում՝ Լոռու մարզում «Պարզվում է՝ կապիտուլյանտ Նիկոլ Փաշինյանը վիրավորվել է ինձնից»․ Շահեն Հարությունյանին Ոստիկանություն են հրավիրել ՔՊ-ական պատգամավորներն անձնական երաշխավորություն են ներկայացրել Դավիթ Տոնոյանին կալանքից ազատ արձակելու համար Կարմիր խաչը չի կարողացել սնունդ տանել Բարձրավան, քանի որ այլընտրանքային ճանապարհը փակ է բքի պատճառով. Վարչական ղեկավար Էրդողանը փետրվարի սկզբին կայցելի Ուկրաինա Ամերիկացի սննդաբանը 5 մթերք է հայտնաբերել, որոնք փոխարինում են սուրճին և օգնում պահպանել առույգությունը Transfermarkt. Տիգրան Բարսեղյանը՝ Սլովակիայի առաջնության ամենաթանկարժեք ֆուտբոլիստ Պոլիէթիլենային չթույլատրված տոպրակների օգտագործման համար տնտեսվարողները տուգանվում են Ինչ է Պուտինը հանձնարարել Շոյգուին. մանրամասներ «Յուվենտուսը» պատրաստ է 65 միլիոն եվրոյով վաճառել Դե Լիգտին Հեղուկ գազի դեֆիցիտ կա. լրացուցիչ խոչընդոտներն ավելի անհետաքրքիր ու դժվար են դարձրել ներմուծումը. տնտեսագետ Թուրքիան չի ցանկանում հայ–թուրքական հաջորդ հանդիպումը լինի 3-րդ երկրում. Sabah Չավուշօղլուն Միրզոյանին հրավիրել է Անթալիա. ՀՀ ԱԳՆ–ն պատասխանել է «Դատապարտյալների հիվանդանոցի» պետը բերման է ենթարկվել. Արդարադատության նախարարությունը հաստատում է Գյումրու Գործարանային 2 Ա շենքից հոսպիտալացված կինը տեղափոխվել է Երևան. վերջույթի ամպուտացման անհրաժեշտություն կա
website by Sargssyan