«Ոչ ոք երբեք չի կարող պատկերացնել, թե ինչ են ապրել իմ ընտանիքն ու սիրելի մարդիկ»․ Էլեն Բադալյանը՝ «Ну-ка, все вместе!»-ում իր հաղթանակի մասին
Ռուսական «Ну-ка, все вместе!» նախագծի 6-րդ եթերաշրջանում իր հաղթանակից հետո հայուհի Էլեն Բադալյանը հանդես է եկել առաջին գրառմամբ։ 17-ամյա երգչուհին շնորհակալություն է հայտնել իր ընտանքին, ընկերներին, մտերիմներին, ժյուրիի անդամներին, հաղորդավար Նիկոլայ Բասկովին, Սերգեյ Լազարեւին եւ, իհարկե, Աստծուն՝ իր կողքին լինելու համար։ Նա նաեւ խոսել է ետնաբեմում կատարվող «գաղտնիքների» մասին։
Посмотреть эту публикацию в Instagram
«Ահա, եւ վերջ։ Դա տեղի ունեցավ։ Ես երազում եմ, շոկի մեջ եմ։ Երեւի ոչ ոք երբեք չի կարող պատկերացնել, թե ինչ են ապրել իմ ընտանիքն ու սիրելի մարդիկ։ Ես միշտ մոտ եմ եղել, բայց երբեք չեմ եղել հեռուստատեսային նախագծերի պատվանդանին, միշտ եղել են պատճառներ՝ ազգային, թե տարիքային»,-ինստագրամյան իր հրապարակումը սկսել է Էլենը։
«Շնորհակալ եմ Աստծուն, որ ինձ հետ է: Ես աղոթեցի, հավատացի. Նկարահանումներից առաջ առավոտից այնքան նշաններ կային... Չեք կարող պատկերացնել...
Կուլիսները շատ գաղտնիքներ են պահում՝ դիմակներ, առեղծվածներ, չարակամություն, բայց նաեւ կան մտերիմ, աջակցող մարդիկ»,-շարունակել է երգչուհին, որն առանձնահատուկ շնորհակալություն է հայտնել ժյուրիի նախագահ Սերգեյ Լազարեւին՝ իրեն սրտացավորեն աջակցելու համար։
«Շնորհակալ եմ մեր հարգարժան Սերգեյ Լազարեւին։ Այսքան տարի ես երազել եմ հանդիպել Ձեզ, Ձեզանից խորհուրդներ եւ առաջնորդություն ստանալ: Շատ շնորհակալ եմ արդար եւ երաժշտությանը նվիրված լինելու համար։ Շնորհակալ եմ մտահոգության համար․ անկեղծ, երբեք չեմ մոռանա, թե ինչպես էիք յուրաքանչյուր հաղորդումից հետո սրտացավորեն ու հուզմունքով մոտենում բոլորին ու հրահանգներ տալիս, որ հաջորդ անգամ ավելի ու ավելի լավը լինենք։ Ես Ձեզ ամուր գրկում եմ, շնորհակալ եմ ամեն ինչի համար․․․ Ես կարողացա... Մենք կարողացանք: Փառք քեզ, Տեր»,-գրել է նա։
Էլենն արժանացավ 5 միլիոն ռուբլի գլխավոր մրցանակին եւ «Նոր ռադիո»-ի կողմից նոր երգի: 17-ամյա երգչուհին եզրափակչում ելույթ ունեցավ ամենավերջինը: Հետեւելով 100 մասնագետներից բաղկացած ժյուրիի նախագահ Սերգեյ Լազարեւի խորհրդին՝ Էլենը կատարեց ռուսերեն ստեղծագործություն՝ Պոլինա Գագարինայի «Ты не целуй» երգը: Նրա ելույթի ընթացքում Սերգեյ Լազարեւը չդիմացավ եւ բարկությունից սեղմեց հատուկ հյուրի՝ Ֆիլիպ Կիրկորովի կոճակը, ով ոտքի չկանգնեց Էլենի ելույթի ժամանակ:
Կիրկորովը, վիրավորվելով Լազարեւի պահվածքից, հեռացավ նկարահանման հրապարակից:
ՔՊ-ականներն ահաբեկում են անգամ անչափահասներին. «Հրապարակ»
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
Երևանում և մարզերում լույս չի լինի. հասցեներ
«Հրապարակ». Հավաքին մասնակցելու համար ազատել են պաշտոնից
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
«Մասկա օպերացիա». իրավապահները հրահանգ են ստացել. «Հրապարակ»
Իշխանությունների թիրախում են ակտիվ արցախցիները. «Հրապարակ»
Ողբերգական ավտովթար՝ Սյունիքի մարզում. բախվել են 2 «Mercedes Sprinter»-ը. վարորդներից մեկը մահացել է